നെടുങ്കണ്ടത്ത് കെട്ടിടത്തിനായി എടുത്ത കുഴിയില്‍ അജ്ഞാത മൃതദേഹം

ഇടുക്കി: നെടുങ്കണ്ടത്ത് ബസ് സ്റ്റാന്‍ഡിന് സമീപത്തെ കുഴിയില്‍ നിന്ന് അജ്ഞാത മൃതദേഹം കണ്ടെത്തി. നിര്‍മാണത്തിലിരിക്കുന്ന കെട്ടിടത്തിനായി എടുത്ത കുഴിയിലാണ് മൃതദേഹം കണ്ടെത്തിയത്.

അബദ്ധത്തില്‍ കാല്‍വഴുതി കുഴിയില്‍ വീണതാണെന്ന് പ്രാഥമിക നിഗമനം. 45 വയസിലധികം പ്രായം തോന്നിക്കുന്ന പുരുഷന്റെ മൃതദേഹമാണ് കണ്ടെത്തിയത്. മുഖം വ്യക്തമല്ല.

പെട്രോള്‍ വാങ്ങാന്‍ ഇന്ന് രാവിലെ കുപ്പി അന്വേഷിച്ച് എത്തിയവരാണ് മൃതദേഹം കണ്ടത്.നാട്ടുകാര്‍ വിവരം അറിയിച്ചതോടെ നെടുങ്കണ്ടം പൊലീസ് സംഭവ സ്ഥലത്ത് എത്തി. ഫോറന്‍സിക് വിദഗ്ധര്‍ എത്തിയതിന് ശേഷം മൃതദേഹം പുറത്തെടുക്കുന്നതിനുള്ള നടപടികള്‍ ആരംഭിക്കും.