/kalakaumudi/media/agency_attachments/zz0aZgq8g5bK7UEc9Bb2.png)
New Update
/kalakaumudi/media/post_banners/0514af11c248fcb31df550f52652ac1782bc1cf65b119c07da0602abbeae0f04.jpg)
ന്യൂഡല്‍ഹി: ഡല്‍ഹിയിലെ വായു മലിനീകരണം തുടരുന്നതിനിടെ കോണ്‍ഗ്രസ് നേതാവ് സോണിയ ഗാന്ധി ജയ്പൂരിലേക്ക് താല്‍ക്കാലികമായി താമസം മാറ്റി. സോണിയയ്ക്ക് ശ്വാസകോശ സംബന്ധമായ പ്രശ്‌നങ്ങളുണ്ട്. രണ്ട് മാസം മുമ്പ് ഗാന്ധിയെ ആശുപത്രിയില്‍ പ്രവേശിപ്പിച്ചിരുന്നു. തുടര്‍ന്നാണ് മറ്റൊരു സ്ഥലത്തേക്ക് മാറാന്‍ ഡോക്ടര്‍മാര്‍ നിര്‍ദ്ദേശം നല്‍കിയത്.
ബുധനാഴ്ച ജയ്പൂരിലെത്തി രാഹുല്‍ ഗാന്ധി, സോണിയ ഗാന്ധിയെ കാണും. അതിനു ശേഷം ഛത്തീസ്ഗഡിലെ തിരഞ്ഞെടുപ്പ് റാലിയില്‍ പങ്കെടുക്കാനായി പോകും. വ്യാഴാഴ്ച രാഹുല്‍ ഗാന്ധി ജയ്പൂരില്‍ മടങ്ങിയെത്തും.
ചൊവ്വാഴ്ച ഡല്‍ഹിയിലെ എയര്‍ ക്വാളിറ്റി ഇന്‍ഡക്‌സ് 375 ആയിരുന്നു. അത് ഉയര്‍ന്ന മലിനീകരണ തോതിന്റെ പരിധിയിലാണ് വരുന്നത്. ജയ്പൂരില്‍ എയര്‍ ക്വാളിറ്റി ഇന്‍ഡക്‌സ് 72 ആണ്.