/kalakaumudi/media/agency_attachments/zz0aZgq8g5bK7UEc9Bb2.png)
New Update
/kalakaumudi/media/post_banners/c71e777d907625c8252a1ef046ad13f64018ed767690f4efec64d081d087bdc8.jpg)
തൊടുപുഴ: അടിമാലിയില്‍ പീഡനത്തിനിരയായി 15 വയസ്സുകാരിയെ കാണാതായി. തൊടുപുഴയിലെ ഷെല്‍ട്ടര്‍ ഹോമില്‍ കഴിഞ്ഞിരുന്ന പെണ്‍കുട്ടിയെയാണ് ശനിയാഴ്ച വൈകിട്ടുമുതല്‍ കാണാതായത്. പരീക്ഷ എഴുതിയശേഷം ബസില്‍ മടങ്ങുമ്പോള്‍ പൈനാവിനും തൊടുപുഴയ്ക്കും ഇടയില്‍ വച്ച് കാണാതാവുകയായിരുന്നു.
തൊടുപുഴയിലെ ഷെല്‍ട്ടര്‍ ഹോമില്‍ നിന്ന് പരീക്ഷ എഴുതാനാണ് പെണ്‍കുട്ടിയെ പൈനാവിലേക്കു ബസില്‍ കൊണ്ടുപോയത്. ഷെല്‍ട്ടര്‍ ഹോമിലെ സെക്യൂരിറ്റി ജീവനക്കാരിയും പെണ്‍കുട്ടിക്ക് ഒപ്പമുണ്ടായിരുന്നു.
പരീക്ഷയ്ക്കു ശേഷം തിരികെ ബസില്‍ വരുമ്പോഴാണ് കാണാതായത്. ഉടന്‍ സെക്യൂരിറ്റി ജീവനക്കാരി വിവരം പൊലീസില്‍ അറിയിച്ചു.
പെണ്‍കുട്ടിക്കായി തൊടുപുഴ പൊലീസ് തിരച്ചില്‍ ആരംഭിച്ചു. പെണ്‍കുട്ടിയെക്കുറിച്ച് ഇതുവരെ വിവരങ്ങളൊന്നും ലഭിച്ചിട്ടില്ല. പെണ്‍കുട്ടിയെ പീഡിപ്പിച്ച അഞ്ച് പേരെ പൊലീസ് നേരത്തെ അറസ്റ്റ് ചെയ്തിരുന്നു.