/kalakaumudi/media/agency_attachments/zz0aZgq8g5bK7UEc9Bb2.png)
New Update
/kalakaumudi/media/post_banners/a3d434ed0b7f71dab19ed9ce214a5461c1717fe77493fce87839635271c9a695.jpg)
ലണ്ടന്‍: യുകെയില്‍ കാണാതായ ഇന്ത്യന്‍ വിദ്യാര്‍ഥിയെ ലണ്ടനില്‍ മരിച്ച നിലയില്‍ കണ്ടെത്തി. ഷെഫീല്‍ഡ് ഹാലും സര്‍വകലാശാലയില്‍ ഡിഗ്രി വിദ്യാര്‍ഥി മിത്കുമാര്‍ പട്ടേലിനെ (23) ആണ് നദിയില്‍ മരിച്ചനിലയില്‍ കണ്ടെത്തിയത്.
ആമസോണില്‍ പാര്‍ട്ടൈമായി ജോലി ചെയ്യുന്നുമുണ്ടായിരുന്നു. കഴിഞ്ഞ സെപ്റ്റംബറിലാണ് മിത്കുമാര്‍ ഉപരിപഠനത്തിന് വേണ്ടി ലണ്ടനില്‍ എത്തുന്നത്.
നവംബര്‍ 17ന് യുവാവിനെ കാണാതായെന്ന് പറഞ്ഞ് ബന്ധുക്കള്‍ പൊലീസില്‍ പരാതി നല്‍കിയതിനെ തുടര്‍ന്ന് നടത്തിയ അന്വേഷണത്തിലാണ് മിത്കുമാറിനെ മരിച്ച നിലയില്‍ കണ്ടെത്തിയത്.
മരണത്തില്‍ ദുരുഹതയില്ലെന്ന് പൊലീസ് അറിയിച്ചു. മിത്കുമാറിന്റെ കുടുംബത്തെ സഹായിക്കുന്നതിനായി ധനസമാഹരണം നടത്തുന്നതായി അദ്ദേഹത്തിന്റെ ബന്ധു പാര്‍ഥ് പട്ടേല്‍ പറഞ്ഞു.