ആറുവയസുകാരിയെ തട്ടികൊണ്ടുപോയ കേസ്; തിരുവനന്തപുരത്ത് മൂന്ന് പേർ കസ്റ്റഡിയിൽ,ശ്രീകണ്ഠേശ്വരത്ത് കാർ വാഷിം​ഗ് സെന്റർ കേന്ദ്രീകരിച്ച് പരിശോധന

തിരുവനന്തപുരം: കൊല്ലം ഓയൂരിൽനിന്നും നാലംഗ സംഘം തട്ടിക്കൊണ്ടുപോയ ആറു വയസ്സുകാരി അബിഗേൽ സാറ റെജിക്കായി സംസ്ഥാനമാകെ വ്യാപക തിരച്ചിൽ. സംഭവത്തിൽ നിർണ്ണായക വിവരങ്ങൾ പുറത്ത്. തിരുവനന്തപുരത്ത്ശ്രീകണ്ഠേശ്വരത്ത് കാർവാഷിംഗ് സെന്റർ കേന്ദ്രീകരിച്ചാണ് അന്വേഷണം നടക്കുന്നത്.

സംശയത്തിന്റെ അടിസ്ഥാനത്തിൽ തിരുവനന്തപുരത്ത് നിന്ന് മൂന്ന് പേരെ പൊലീസ് കസ്റ്റഡിയിലെടുത്തു. ശ്രീകണ്ഠേശ്വരത്തുനിന്ന് രണ്ടുപേരെയും ശ്രീകാര്യത്തുനിന്ന് ഒരാളെയുമാണ് കസ്റ്റഡിയിലെടുത്തത്. കാറുമായി ബന്ധപ്പെട്ട സംശയത്തിന്റെ അടിസ്ഥാനത്തിലാണ് മൂന്നുപേരും കസ്റ്റഡിയിലായതെന്നാണ് ലഭിക്കുന്ന സൂചന.

ശ്രീകണ്ഠേശ്വരത്തെ കാർ വാഷിങ് സെന്ററില്‍ പൊലീസ് പരിശോധന നടത്തിയിരുന്നു. കസ്റ്റഡിയിലുള്ള ഒരാൾ കാർ വാഷിങ് സെന്റർ ഉടമയെന്നാണ് വിവരം.അതെസമയം കാർവാഷിംഗ് സെന്ററിൽനിന്ന് 15 ലക്ഷം  രൂപയും പൊലീസ് പിടിച്ചെടുത്തു.