'ഇന്ത്യയിലുണ്ടായ മാറ്റങ്ങൾക്ക് കാരണം പ്രധാനമന്ത്രി നരേന്ദ്ര മോദിയുടെ നേതൃത്വം': വിദേശകാര്യ മന്ത്രി

ലണ്ടൻ: കഴിഞ്ഞ ദശകത്തിൽ ഇന്ത്യയിലുണ്ടായ മാറ്റങ്ങൾക്ക് കാരണം പ്രധാനമന്ത്രി നരേന്ദ്ര മോദിയുടെ നേതൃത്വമാണെന്ന് വിദേശകാര്യ മന്ത്രി എസ് ജയശങ്കർ. രാജ്യത്തിന്റെ പാത രൂപപ്പെടുത്തുന്നതിൽ മോദി വഹിച്ച നിർണായക പങ്കിനെക്കുറിച്ചും ജയശങ്കർ വിശദീകരിച്ചു. ലണ്ടനിലെ ദീപാവലി ആഘോഷത്തിനുള്ള സ്വീകരണത്തിൽ സംസാരിക്കുകയായിരുന്നു അദ്ദേഹം.

"ലോകം മാറി, ഞങ്ങളുടെ ബന്ധം മാറി, യുകെ മാറി, ഇന്ത്യ മാറി എന്ന് പറഞ്ഞുകൊണ്ടാണ് ഞാൻ തുടങ്ങിയത്. അപ്പോൾ ഇന്ത്യയിൽ എന്താണ് മാറിയതെന്ന് നിങ്ങൾക്ക് എന്നോട് ചോദിക്കാം. ഉത്തരം നിങ്ങൾക്കറിയാം. ഉത്തരം മോദിയാണ്," ജയശങ്കർ പറഞ്ഞു.

കഴിഞ്ഞ ദശകത്തിൽ ഇന്ത്യയുടെ പുരോഗതിക്ക് കാരണമായ നിരവധി സംരംഭങ്ങളെക്കുറിച്ച് മന്ത്രി വിശദീകരിച്ചു. ബേഠി പഠാവോ, ബേട്ടി ബച്ചാവോ (മകളെ പഠിപ്പിക്കുക, മകളെ സംരക്ഷിക്കുക), പെൺകുട്ടികൾക്കായി ടോയ്‌ലറ്റുകളുടെ നിർമ്മാണം, സാമ്പത്തിക ഉൾപ്പെടുത്തലിനായുള്ള ജൻധൻ യോജന, പാർപ്പിടത്തിനുള്ള ആവാസ് യോജന, ഡിജിറ്റൽ ഇന്ത്യ, സ്റ്റാർട്ടപ്പ് ഇന്ത്യ, സ്കിൽ ഇന്ത്യ തുടങ്ങിയ മുൻനിര പദ്ധതികൾ അദ്ദേഹം എടുത്തു പറഞ്ഞു.

"ഈ പത്ത് വർഷം യഥാർത്ഥത്തിൽ ഇന്ത്യയിൽ ഒരു സാമൂഹിക സാമ്പത്തിക വിപ്ലവമാണ്... കഴിഞ്ഞ പത്ത് വർഷത്തിനുള്ളിൽ യുകെയെപോലെ തന്നെ പുതിയ സർവകലാശാലകളും കോളേജുകളും ഞങ്ങളും കൊണ്ടുവന്നു'- അദ്ദേഹം പറഞ്ഞു.

നയതന്ത്ര മുന്നണിയിലേക്ക് ശ്രദ്ധ തിരിക്കുന്ന ജയശങ്കർ ഇന്ത്യയും യുകെയും തമ്മിലുള്ള ബന്ധം പുനഃക്രമീകരിക്കേണ്ടതിന്റെ ആവശ്യകതയും ഇരു രാജ്യങ്ങളും കൈവരിച്ച നേട്ടങ്ങളെ അംഗീകരിച്ചുകൊണ്ട്, സമകാലിക കാലഘട്ടത്തിന് അനുയോജ്യമായ ഒരു പങ്കാളിത്തം ഉണ്ടാകേണ്ടതിന്റെ പ്രാധാന്യവും അദ്ദേഹം വിശദീകരിച്ചു.ഇന്ത്യയും യുകെയും തമ്മിലുള്ള ബന്ധം പുനഃസ്ഥാപിക്കാൻ ശ്രമിക്കുന്നുവെന്നും ജയശങ്കർ കൂട്ടിച്ചേർത്തു.

ജയശങ്കർ അഞ്ച് ദിവസത്തെ സന്ദർശനത്തിനായാണ് ജയശങ്കർ ബ്രിട്ടനിലെത്തിയത്. നവംബർ 15 ന് അത് അവസാനിക്കും. സന്ദർശന വേളയിൽ അദ്ദേഹം ബ്രിട്ടീഷ് പ്രധാനമന്ത്രി ഋഷി സുനക്ക് 10 ഡൗണിംഗ് സ്ട്രീറ്റിലും പുതുതായി നിയമിതനായ യുകെ വിദേശകാര്യ സെക്രട്ടറി ഡേവിഡ് കാമറൂണുമായി കൂടിക്കാഴ്ച നടത്തി.