നവകേരള സദസ്സ് പത്തനംതിട്ട ജില്ലയില്‍; ജമാഅത്ത് കമ്മിറ്റി ഭാരവാഹികള്‍ കൂടിക്കാഴ്ചയില്‍ പങ്കെടുക്കില്ല

പത്തനംതിട്ട: മുഖ്യമന്ത്രിയുടെ നവകേരള സദസ്സ് ഇന്ന് പത്തനംതിട്ട ജില്ലയില്‍. രാവിലെ 9 മണിക്ക് ക്ഷണിക്കപ്പെട്ട വ്യക്തികളുമായി മുഖ്യമന്ത്രി പിണറായി വിജയന്‍ കൂടിക്കാഴ്ച നടത്തും. അറിയിപ്പ് ലഭിച്ചിരുന്നെങ്കിലും പത്തനംതിട്ട ജമാഅത്ത് കമ്മിറ്റി ഭാരവാഹികള്‍ കൂടിക്കാഴ്ചയില്‍ പങ്കെടുക്കില്ലെന്നാണ് വിവരം.

ജസ്റ്റിസ് ഫാത്തിമ ബീവിയുടെ സംസ്‌കാര ചടങ്ങില്‍ സര്‍ക്കാര്‍ പ്രതിനിധികള്‍ പങ്കെടുക്കാത്തതുമായി ബന്ധപ്പെട്ട ഭിന്നതകളാണ് കാരണം. മുഖ്യമന്ത്രി 10.30ന് മാധ്യമങ്ങളെ കാണും.

ആറന്മുള മണ്ഡലത്തിലെ നവകേരള സദസ്സ് ജില്ലാ സ്റ്റേഡിയത്തില്‍ നടക്കും. റാന്നി, കോന്നി, അടൂര്‍ മണ്ഡലങ്ങളിലെ നവകേരള സദസുകളും ഇന്ന് നടക്കും.