/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/post_banners/5626a8ca8cdaddef8b38585300025d36d8a671575f571940eadd2c624744bddf.jpg)
പാരിസ്: ഗാസയില്‍ ബോബാക്രമണം നടത്തി ആളുകളെ കൊല്ലുന്നത് ഇസ്രയേല്‍ അവസാനിപ്പിക്കണമെന്ന് ഫ്രഞ്ച് പ്രസിഡന്റ് ഇമ്മാനുവല്‍ മാക്രോണ്‍. ബിബിസിക്ക് നല്‍കിയ അഭിമുഖത്തിലാണ് അദ്ദേഹം ഇക്കാര്യം പറഞ്ഞത്.
ബോംബാക്രമണത്തിന് ന്യായീകരണമില്ലെന്നും വെടിനിര്‍ത്തല്‍ ഇസ്രായേലിന് ഗുണം ചെയ്യുമെന്നും മാക്രോണ്‍ പറഞ്ഞു. ഹമാസിന്റെ ഭീകര പ്രവര്‍ത്തനങ്ങളെ ഫ്രാന്‍സ് വ്യക്തമായി അപലപിക്കുന്നു.
ഇസ്രായേലിന് സ്വയം സംരക്ഷിക്കാനുള്ള അവകാശവുമുണ്ട്. എന്നാല്‍ ഗാസയിലെ ബോംബാക്രമണം നിര്‍ത്താന്‍ ഞങ്ങള്‍ അവരോട് അഭ്യര്‍ത്ഥിക്കുന്നുവെന്ന് അദ്ദേഹം പറഞ്ഞു.
ആദ്യം മാനുഷികമായ താല്‍ക്കാലികമായി നിര്‍ത്തുകയും പിന്നീട് വെടിനിര്‍ത്തലിലേക്ക് പോകുകയല്ലാതെ മറ്റൊരു മാര്‍ഗവുമില്ലെന്നും അത് നിങ്ങളെ സംരക്ഷിക്കുമെന്നും മുഴുവന്‍ ആളുകള്‍ക്കും തീവ്രവാദികളുമായി ഒരു ബന്ധവുമില്ലെന്നുമാണ് ഉച്ചകോടിയില്‍ പങ്കെടുത്ത എല്ലാ സര്‍ക്കാരുകളുടെയും ഏജന്‍സികളുടെയും നിഗമനമെന്ന് ഗാസയിലെ യുദ്ധത്തെക്കുറിച്ച് പാരീസില്‍ നടന്ന മാനുഷിക സഹായ സമ്മേളനത്തിന് ശേഷം മാക്രോണ്‍ പറഞ്ഞു.
കുഞ്ഞുങ്ങള്‍, സ്ത്രീകള്‍, വൃദ്ധര്‍ തുടങ്ങിയവര്‍ ബോംബാക്രമണത്തില്‍ കൊല്ലപ്പെടുന്നു. അതിനാല്‍ അതിന് ഒരു കാരണവും നിയമസാധുതയുമില്ല. അതിനാല്‍ ഞങ്ങള്‍ ഇസ്രായേലിനെ ഇത് നിര്‍ത്താന്‍ പ്രേരിപ്പിക്കുന്നുവെന്നും അദ്ദേഹം കൂട്ടിച്ചേര്‍ത്തു.