/kalakaumudi/media/agency_attachments/zz0aZgq8g5bK7UEc9Bb2.png)
New Update
കോതമംഗലം: പുന്നേക്കാട് എക്സൈസ് ജീപ്പിന് തീയിട്ട സംഭവത്തില്‍ 19 കാരന്‍ പിടിയില്‍.കളപ്പാറ പാലയ്ക്കല്‍ സ്വദേശി ജിത്ത് ആണ് അറസ്റ്റിലായത്. തിങ്കളാഴ്ച രാത്രി 9.45-ഓടെയാണ് സംഭവം. പുന്നേക്കാട് ജങ്ഷന് സമീപത്തെ കുട്ടംപുഴ എക്സൈസ് റേഞ്ച് ഓഫീസിന്റെ മുറ്റത്ത് പാര്‍ക്ക് ചെയ്ത ജീപ്പിനാണ് തീയിട്ടത്.
നൈറ്റ് ഡ്യൂട്ടിയില്‍ ഉണ്ടായിരുന്ന പാറാവുകാരനും സമീപവാസികളും ചേര്‍ന്നാണ് തീയണച്ചത്. അപ്പോഴേയ്ക്കു ജിത്ത് ഓടിരക്ഷപ്പെട്ടിരുന്നു.ജീപ്പിന്റെ പിന്‍വശത്തെ പടുതയില്‍ മണ്ണെണ്ണ ഒഴിച്ച് തീയിടുകയായിരുന്നു.
സമീപത്തെ സി.സി.ടി.വി. ദൃശ്യം പരിശോധിച്ചേതോടെയാണ് പ്രതിയെ തിരിച്ചറിഞ്ഞത്. തുടര്‍ന്ന് കോതമംഗലം പോലീസില്‍ പരാതി നല്‍കി. പോലീസ് നടത്തിയ അന്വേഷണത്തിലാണ് ജിത്ത് പിടിയിലായത്.