/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/post_banners/c86807fde55e6cd0306feb36c19d5a940d2f6a3d0a5a9e7760b68f2a07256f05.jpg)
ബോളിവുഡ് നടി സണ്ണി ലിയോണ്‍ ആദ്യമായി അഭിനയിക്കുന്ന മലയാളം വെബ്ബ് സീരിസ് വരുന്നു. 'പാന്‍ ഇന്ത്യന്‍ സുന്ദരി' എന്ന വെബ് സീരിസിലാണ് സണ്ണി ലിയോണ്‍ അഭിനയിക്കുന്നത്.
എച്ച് ആര്‍ ഒടിടിയിലൂടെയാണ് സീരീസ് പ്രദര്‍ശനത്തിന് എത്തുന്നത്.എച്ച്. ആര്‍ പ്രൊഡക്ഷന്‍സിന്റെ ബാനറില്‍ ശ്രീന പ്രതാപന്‍ ആണ് സീരീസ് നിര്‍മ്മിക്കുന്നത്. സതീഷാണ് 'പാന്‍ ഇന്ത്യന്‍ സുന്ദരി'യുടെ കഥയും സംവിധാനവും നിര്‍വഹിക്കുന്നത്.
മലയാളത്തിലെ ആദ്യത്തെ ബിഗ് ബഡ്ജറ്റ് കോമഡി ആക്ഷന്‍ ത്രില്ലര്‍ സീരിസായ 'പാന്‍ ഇന്ത്യന്‍ സുന്ദരി' മലയാളം, തമിഴ് ,കന്നഡ, തെലുങ്ക്, ഹിന്ദി, എന്നീ ഭാഷകളിലായി HR OTTലൂടെയാണ് സീരിസ് റിലീസ് ചെയ്യുക.
അപ്പാനി ശരത്തും മാളവികയും മുഖ്യവേഷങ്ങളിലെത്തുന്ന ഈ സീരീസില്‍ മണിക്കുട്ടന്‍, ജോണി ആന്റണി, ജോണ്‍ വിജയ്, ഭീമന്‍ രഘു, സജിത മഠത്തില്‍, കോട്ടയം രമേശ്, അസീസ് നെടുമങ്ങാട്, ഹരീഷ് കണാരന്‍, നോബി മര്‍ക്കോസ് തുടങ്ങി വലിയ താരനിര തന്നെ അണിനിരക്കുന്നുണ്ട്.
പ്രിന്‍സി ഡെന്നിയും ലെനിന്‍ ജോണിയും ചേര്‍ന്നാണ് തിരക്കഥ. ഛായാഗ്രഹണം -രവിചന്ദ്രന്‍, കലാസംവിധാനം -മധു രാഘവന്‍, ചിത്ര സംയോജനം -അഭിലാഷ് ബാലചന്ദ്രന്‍ എന്നിവരാണ്.
ശ്യാം പ്രസാദാണ് ഗാനങ്ങള്‍ ഒരുക്കിയിരിക്കുന്നത്. ബാക്ക്ഗ്രൗണ്ട് മ്യൂസിക് -ഗോപി സുന്ദര്‍, ചീഫ് അസോസിയേറ്റ് : അനന്തു പ്രകാശന്‍ , ലൈന്‍ പ്രൊഡ്യൂസര്‍ : എല്‍ദോ സെല്‍വരാജ്, എക്സിക്യൂട്ടിവ് പ്രൊഡ്യൂസര്‍ : സംഗീത് ശ്രീകണ്ഠന്‍, ഡാന്‍സ് കൊറിയോഗ്രാഫര്‍ : DJ സിബിന്‍, ആക്ഷന്‍ കോറിയോഗ്രഫര്‍: അഭിഷേക് ശ്രീനിവാസ്, പിആര്‍ഒ -ആതിര ദില്‍ജിത്.