'ഭര്‍ത്താവേ.. നയന്‍താരയെ സൂക്ഷിക്കുക'; വിഘ്‌നേശ് ശിവനോട് ഷാറൂഖ്

ഷാരൂഖ് ഖാന്‍ നായകനായി എത്തുന്ന 'ജവാന്റെ' ടീസര്‍ അടുത്തിടെ പുറത്തുവിട്ടിരുന്നു.നയന്‍താരയാണ് ചിത്രത്തിലെ നായിക. വിഘ്‌ശേവ് ശിവന്‍ 'ജവാന്റെ' ടീസര്‍ പങ്കുവെച്ച് പ്രൊജക്റ്റിന് ആശംസകളുമായി എത്തിയിരുന്നു.

വിഘ്‌നേശ് ശിവന് നന്ദി പറഞ്ഞ് ഷാരൂഖ് രംഗത്തെത്തി. ഷാരൂഖിന്റെ മറുപടി ആരാധകര്‍ ഏറ്റെടുത്തിരിക്കുകയാണ്.താങ്കളുടെ എല്ലാ സ്‌നേഹത്തിനും നന്ദി. നയന്‍താര ഒരു വിസ്മയമാണ്.

ഭര്‍ത്താവേ, താങ്കള്‍ സൂക്ഷിക്കുക, അവര്‍ കുറച്ച് അടിതടകളും ചവിട്ടും പഠിച്ചിട്ടുണ്ട് എന്നും നടന്‍ ഷാരൂഖ് ഖാന്‍ തമാശരൂപേണ എഴുതിയിരിക്കുന്നു. അറ്റ്‌ലി ആണ് ചിത്രം സംവിധാനം ചെയ്യുന്നത്.

ചിത്രത്തില്‍ സാന്യ മല്‍ഹോത്രയും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്.'ജവാന്‍' എന്ന ചിത്രത്തില്‍ ഷാരൂഖ് ഖാന്‍ ഇരട്ട വേഷത്തിലാണ് എത്തുന്നത് എന്നാണ് വിവരം.

'റോ'യിലെ (റിസര്‍ച്ച് ആന്‍ഡ് അനാലിസിസ് വിംഗ്) ഒരു മുതിര്‍ന്ന ഉദ്യോഗസ്ഥനായ അച്ഛനും ഒരു ഗ്യാങ്സ്റ്ററായ മകനുമാണ് ഈ കഥാപാത്രങ്ങളെന്നാണ് റിപ്പോര്‍ട്ട്.

നയന്‍താര  അന്വേഷണോദ്യോഗസ്ഥയായി വേഷമിടുന്ന ചിത്രം പ്രദര്‍ശനത്തിനെത്തുക സെപ്തംബര്‍ ഏഴിന് ആയിരിക്കും. റെഡ് ചില്ലീസ് എന്റര്‍ടെയ്ന്‍മെന്റിന്റെ ബാനറില്‍ ഗൌരി ഖാന്‍ ആണ് നിര്‍മ്മാണം.

" width="100%" height="411px" frameborder="0" allowfullscreen="allowfullscreen">