/kalakaumudi/media/agency_attachments/zz0aZgq8g5bK7UEc9Bb2.png)
'ആര്‍ആര്‍ആര്‍'ന്റെ മികച്ച വിജയത്തിന് ശേഷം ഗ്ലോബല്‍ സ്റ്റാര്‍ രാം ചരണ്‍ നായകനായെത്തുന്ന പുതിയ ചിത്രമാണ് 'ഗെയിം ചേഞ്ചര്‍'. ശങ്കര്‍ സംവിധാനം ചെയ്യുന്ന ഈ ചിത്രം ശ്രീ വെങ്കിടേശ്വര ക്രിയേഷന്‍സിന്റെ ബാനറില്‍ ദില്‍ രാജുവും സിരീഷും ചേര്‍ന്നാണ് നിര്‍മ്മിക്കുന്നത്.
ചിത്രം ഒരു പാന്‍ ഇന്ത്യന്‍ സിനിമ എന്നതിലുപരി അസാധാരണമായ ഒരു സിനിമാറ്റിക് അനുഭവമായിരിക്കും പ്രേക്ഷകര്‍ക്ക് സമ്മാനിക്കുക.
'ഗെയിം ചേഞ്ചര്‍'നെ ചുറ്റിപ്പറ്റിയുള്ള വിവരങ്ങള്‍ക്കായ് പ്രേക്ഷകര്‍ കാത്തിരിപ്പിലായിരുന്നു. ദസറയുടെ ശുഭ അവസരത്തില്‍, 'ഗെയിം ചേഞ്ചര്‍' നിര്‍മ്മാതാക്കള്‍ ആരാധകര്‍ക്ക് ഊഷ്മളമായ വിജയ ദശമി ആശംസകള്‍ നല്‍കി ചിത്രത്തിന്റെ അതിശയിപ്പിക്കുന്ന ഒരു പോസ്റ്റര്‍ പുറത്തിറക്കി. അതോടൊപ്പം വരുന്ന ദീപാവലി ദിനത്തില്‍ ചിത്രത്തിലെ ആദ്യ സിംഗിള്‍ റിലീസ് ചെയ്യുമെന്ന് പ്രഖ്യാപിച്ച് ആരാധകരെ ആവേശത്തിലാഴ്ത്തിയിരിക്കുകയാണ് നിര്‍മ്മാതാക്കള്‍.
ചിത്രത്തെ കുറിച്ചുള്ള കൂടുതല്‍ അപ്ഡേറ്റുകള്‍ക്കായി കാത്തിരിക്കുക.പിആര്‍ഒ:ശബരി.