/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/post_banners/a9ab5d1a6bd71acdae4a34e95771c555b08fcf48344ddfd1e7f42f6e67d04d91.jpg)
പ്രേക്ഷകര്‍ ആകാംക്ഷയോടെ കാത്തിരുന്ന പ്രഭാസ് ചിത്രം സലാറിന്റെ ടീസര്‍ പുറത്ത്. പുലര്‍ച്ചെ 05.12 ഒടെയാണ് ഹോംബാലെ ടീസര്‍ യുട്യൂബ് ചാനലിലൂടെ പുറത്തുവിട്ടത്.
സൂപ്പര്‍ ഹിറ്റ് ചിത്രം കെജിഎഫിനു ശേഷം ഹോംബാലെ ടീമിന്റെ മാസ് ആക്ഷന്‍ പടമാണ് സലാര്‍ പാര്‍ട് 1 സീസ്ഫയര്‍.ഒരു മണിക്കൂറിനുള്ളില്‍ മൂന്ന് ലക്ഷത്തിലധികം പേരാണ് ടീസര്‍ കണ്ടത്.
കെജിഎഫ് സംവിധായകന്‍ പ്രശാന്ത് നീലാണ് ചിത്രത്തിന്റെ കഥയും തിരക്കഥയും സംവിധാനവും നിര്‍വ്വഹിച്ചിരിക്കുന്നത്. കെജിഎഫ് 2 ക്ലൈമാക്‌സില്‍ റോക്കിഭായി സ്വര്‍ണത്തിനൊപ്പം കടലില്‍ മുങ്ങിപ്പോയ സമയം 05.12 ആയിരുന്നു, ആ സമയമാണ് സലാറിന്റെ ടീസര്‍ റിലീസിനായി അണിയറക്കാര്‍ തിരഞ്ഞെടുത്തതെന്നാണ് സൂചന.
പ്രഭാസിനൊപ്പം പൃഥ്വിരാജും പ്രധാന കഥാപാത്രത്തിലെത്തുന്നുണ്ട്. വരദരാജ മന്നാര്‍ എന്ന കഥാപാത്രമാണ് പൃഥ്വി കൈകാര്യം ചെയ്യുന്നത്. ശ്രുതി ഹാസന്‍,ജഗപതി ബാബു, ശ്രിയ റെഡ്ഡി എന്നിവരാണ് മറ്റു കഥാപാത്രങ്ങളെ അവതരിപ്പിക്കുന്നത്.