തരംഗമായി ത്രെഡ്‌സ്; അക്കൗണ്ട് എടുത്ത് മോഹന്‍ലാലും ദുല്‍ഖറും

സോഷ്യല്‍ മീഡിയ ആപ്പായ ത്രെഡ്‌സ് ഇറങ്ങി മണിക്കൂറുകള്‍ക്കുള്ളില്‍ തരംഗമായി മാറിയിരുന്നു. സാധാരണക്കാര്‍ക്ക് പുറമേ ചലച്ചിത്ര താരങ്ങളും ത്രെഡ്‌സില്‍ അക്കൗണ്ട് തുടങ്ങിയിട്ടുണ്ട്.

ആദ്യം സൂപ്പര്‍സ്റ്റാര്‍ മോഹന്‍ലാലും പിന്നാലെ ദുല്‍ഖറുമാണ് എത്തിയത്. മോഹന്‍ലാലിന് ഇതുവരെ 1.45 ലക്ഷം ഫോളോവേര്‍സാണ് ഉള്ളത്. അവസാനം കണക്കെടുത്തപ്പോള്‍ 1.87 ലക്ഷം ഫോളോവേര്‍സ് ആണ് ദുല്‍ഖറിന് ഉള്ളത്.

രണ്ടുപേരുടെയും പ്രൊഫൈലില്‍ ഇതുവരെ പോസ്റ്റുകള്‍ ഒന്നും വന്നിട്ടില്ല.മമ്മൂട്ടി ഇതുവരെ ത്രെഡ്‌സ് അക്കൗണ്ട് തുടങ്ങിയിട്ടില്ല. എന്നാല്‍ മമ്മൂട്ടിയുടെ നിര്‍മ്മാണ കമ്പനി മമ്മൂട്ടി കമ്പനിയുടെ ത്രെഡ് അക്കൗണ്ട് ആക്ടീവായിട്ടുണ്ട്.

പതിനാറായിരത്തോളം പേരാണ് ഈ അക്കൗണ്ട് ഫോളോ ചെയ്യുന്നത്.
ഐഒഎസ് , ആന്‍ഡ്രോയിഡ് എന്നിവയ്ക്കായി നൂറിലധികം രാജ്യങ്ങളിലായി മെറ്റ ത്രെഡ്‌സ് അവതരിപ്പിച്ചത്.

ത്രെഡ്‌സ് ഏഴ് മണിക്കൂറിനകം 10 മില്യണ്‍ ഉപയോക്താക്കളെ സ്വന്തമാക്കി.മൊബൈല്‍ ആപ്പ് വഴി മാത്രം പ്രവര്‍ത്തിക്കുന്ന ഒരു സമൂഹ മാധ്യമത്തിന് തുടക്കത്തില്‍ തന്നെ ഇത്രയും ഉപയോക്താക്കളെ ലഭിക്കുന്നത് വലിയ അത്ഭുതമാണ്.

ത്രെഡ്‌സ്.കോം എന്ന വെബ്‌സൈറ്റ് ലഭ്യമല്ലാത്തതിനാല്‍.നെറ്റ് എന്ന വിലാസത്തിലാണ് ഇപ്പോള്‍ മെറ്റയുടെ ആപ്പ് ഉള്ളത്.