/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/post_banners/421e46b16ed681776a416901dd37206ace45b48e122ebef6f85613beab786375.jpg)
മീരാ ജാസ്മിനും നരേനും കേന്ദ്ര കഥാപാത്രങ്ങളായെത്തുന്ന 'ക്യൂന്‍ എലിസബത്ത്'ന്റെ ട്രെയിലര്‍ പുറത്തുവിട്ടു. റൊമാന്റിക് കോമഡി എന്റര്‍ടെയിനറായിട്ടാണ് ചിത്രം ഒരുക്കിയിരിക്കുന്നത്.
എം പത്മകുമാറാണ് സംവിധായകന്‍. അര്‍ജുന്‍ ടി സത്യന്റെതാണ് തിരക്കഥ. ഡിസംബര്‍ 29 മുതല്‍ ചിത്രം തിയറ്ററുകളിലെത്തും. 'വെള്ളം', 'അപ്പന്‍', 'പടച്ചോനെ ഇങ്ങള് കാത്തോളി' എന്നിവയുടെ നിര്‍മ്മാതാവായ രഞ്ജിത്ത് മണമ്പ്രക്കാട്ട്, ബ്ലൂ മൗണ്ട് പ്രൊഡക്ഷന്‍സിന്റെ ബാനറില്‍ എം പത്മകുമാര്‍, ശ്രീറാം മണമ്പ്രക്കാട്ട് എന്നിവരുമായി ചേര്‍ന്നാണ് ചിത്രം നിര്‍മ്മിക്കുന്നത്.
ജിത്തു ദാമോദറാണ് ഛായാഗ്രാഹകന്‍. ഷിബു ചക്രവര്‍ത്തി, അന്‍വര്‍ അലി, സന്തോഷ് വര്‍മ്മ, ജോ പോള്‍ എന്നിവര്‍ വരികള്‍ ഒരുക്കിയ ചിത്രത്തിലെ മനോഹര ഗാനങ്ങള്‍ക്ക് രഞ്ജിന്‍ രാജാണ് സംഗീതം പകരുന്നത്. ചിത്രസംയോജനം അഖിലേഷ് മോഹന്‍ നിര്‍വ്വഹിക്കും.
ശ്വേതാ മേനോന്‍, രമേശ് പിഷാരടി, വി കെ പ്രകാശ്, രഞ്ജി പണിക്കര്‍, ജോണി ആന്റണി, മല്ലികാ സുകുമാരന്‍, ജൂഡ് ആന്റണി ജോസഫ്, ആര്യ ബഡായി ബംഗ്ലാവ്, ശ്രുതി രജനികാന്ത്, പേളി മാണി, സാനിയ ബാബു, നീനാ കുറുപ്പ്, മഞ്ജു പത്രോസ്, വിനീത് വിശ്വം, രഞ്ജി കാങ്കോല്‍, ചിത്രാ നായര്‍ തുടങ്ങി ഒട്ടനവധി താരങ്ങളും ചിത്രത്തില്‍ അണിനിരക്കുന്നത്.
കലാസംവിധാനം: എം ബാവ, ചീഫ് അസ്സോസിയേറ്റ് ഡയറക്ടര്‍: ഉല്ലാസ് കൃഷ്ണ, വസ്ത്രാലങ്കാരം: ആയീഷാ ഷഫീര്‍ സേട്ട്, മേക്കപ്പ്: ജിത്തു പയ്യന്നൂര്‍, പ്രൊഡക്ഷന്‍ കണ്‍ട്രോളര്‍: ശിഹാബ് വെണ്ണല, സ്റ്റില്‍സ്: ഷാജി കുറ്റികണ്ടത്തില്‍, പ്രൊമോ സ്റ്റില്‍സ്: ഷിജിന്‍ പി രാജ്, പോസ്റ്റര്‍ ഡിസൈന്‍: മനു, പിആര്‍ഒ: ശബരി.