ബുർജ് ഖലീഫയിലെ മോഹൻലാലിന്റെ വസതി അജിത്ത് സന്ദർശിച്ചു;ആരാധകർ ആഘോഷമാക്കി താരസംഗമത്തിന്റെ ചിത്രങ്ങൾ

മലയാളത്തിന്റെ സ്വന്തം മോഹൻലാലും തമിഴകത്തിന്റെ സൂപ്പർസ്റ്റാർ അജിത് കുമാറും ഒന്നിച്ചുള്ള ഏറ്റവും പുതിയ ചിത്രങ്ങളാണ് സോഷ്യൽ മീഡിയയിൽ വൈറലായിരിക്കുന്നത് .

മോഹൻലാലിന്റെ സുഹൃത്ത് സമീർ ഹംസയാണ് ചിത്രം പോസ്റ്റ് ചെയ്തത്. ദുബായ് ബുർജ് ഖലീഫയിലെ മോഹൻലാലിന്റെ ഫ്ലാറ്റിലെതുകയായിരുന്നു അജിത്.

ഈ കോംബോയിൽ ഒരു സിനിമ വരണമെന്നും ഇന്ത്യയിലെ സകല ബോക്സ്ഓഫിസ് റെക്കോർഡും ആ സിനിമ തകർത്തെറിയുമെന്നും ചിത്രത്തിനു താഴെ ആരാധകർ കമന്റിട്ടു.

മോഹൻലാൽ ആദ്യമായി സംവിധാനം ചെയ്യുന്ന ബറോസിൽ അജിത്ത് ഒരു വേഷം ചെയ്യുമെന്ന് അഭ്യൂഹങ്ങൾ പരന്നിരുന്നു. എന്നാൽ, 'ബറോസ്' ടീം അത് നിഷേധിച്ചു .

അതേസമയം മഗിഴ് തിരുമേനി സംവിധാനം ചെയ്യുന്ന ‘വിടാ മുയര്‍ച്ചി’യാണ് അജിത്തിന്റെ അടുത്ത ചിത്രം. ബറോസ്, മലൈക്കോട്ടൈ വാലിബന്‍, നേര്, വൃഷഭ, റാം, എമ്പുരാന്‍ എന്നിങ്ങനെയാണ് മോഹന്‍ലാലിന്റെ വരാനിരിക്കുന്ന സിനിമകൾ .