അമ്പട കള്ളാ, താടി നീട്ടി വളര്‍ത്തിയാല്‍ പിടിക്കില്ല എന്ന് വിചാരിച്ചാ...!

നടന്‍ ടിനി ടോമിന്റെ രസകരമായ സോഷ്യല്‍ മീഡിയ പോസ്റ്റാണ് വൈറലാകുന്നത്. ടിനി ടോമിനോട് രൂപസാദൃശ്യമുള്ള ഒരാളിന്റെ ചിത്രമാണ് പങ്കുവച്ചിരിക്കുന്നത്. എന്നെ പോലെ ഒരാള്‍ എന്ന കുറിപ്പോടെയാണ് ചിത്രം പോസ്റ്റ് ചെയ്തിരിക്കുന്നത്. ചിത്രത്തിന്റെ ക്യാപ്ഷന്‍ ഇങ്ങനെയാണ്. കാകിനാഡ കോണ്‍ഗ്രസ് സമ്മേളനത്തില്‍ പ്രാര്‍ഥനാ ഗാനം ചൊല്ലാന്‍ ഗാന്ധിജിയുടെ പ്രത്യേക ക്ഷണപ്രകാരം എത്തിയിരുന്നത് മഹാഗായകനായിരുന്ന വിഷ്ണു ദിഗംബര്‍ പലുസ്‌കറായിരുന്നല്ലോ!

ടിനിയുമായി രൂപസാദൃശ്യമുള്ള വിഷ്ണു ദിഗംബര്‍ പലുസ്‌കറിന്റെ ചിത്രം വൈറലായി. ഒപ്പം നിരവധി പേര്‍ രസതരമായ കമന്റുകളും കുറിച്ചിട്ടുണ്ട്. ഇത് പൃഥ്വിരാജിനെ പോലെയുണ്ടെന്നാണ് ഒരാള്‍ കുറിച്ചത്. ഗാന്ധിജി പ്രസംഗിക്കുന്ന വേദിയില്‍ മിമിക്രി അവതരിപ്പിച്ചിട്ടുള്ള ആളാണ് എന്ന് പറഞ്ഞു കേട്ടിട്ടുണ്ട്. ഇപ്പോള്‍ വിശ്വാസമായി. അമ്പട കള്ളാ താടി നീട്ടി വളര്‍ത്തിയാല്‍ പിടിക്കില്ല എന്ന് വിചാരിച്ചോ എന്നാണ് മറ്റൊരാള്‍ കുറിച്ചത്!