/kalakaumudi/media/agency_attachments/zz0aZgq8g5bK7UEc9Bb2.png)
New Update
/kalakaumudi/media/post_banners/b86b76e763e69422f3ac3efc6837501ad9f6d4530b3e1df9fd9f5519e17241ad.jpg)
വാതിൽ
********
മൃതിയെന്നാൽ അവസാനമാകുന്നതെങ്ങനെ ?
അതൊരു വാതിൽ മാത്രമല്ലേ ?
ഇരുമുറികളിലായ് നമ്മെ ഒറ്റപ്പെടുത്തുന്ന
നമുക്കിടയിലെ അടഞ്ഞ വാതിൽ
വാതിലിനിരുപുറം നീ നീയും ,
ഞാൻ ഞാനുമാണ്
നമുക്കൊരേ ഓർമ്മകളാണ്,
കൊഴിഞ്ഞു പോയ നാളുകളും
കരഞ്ഞു തീർത്ത നോവുകളും
നെയ്തു കാത്തുവച്ച സ്വപ്നങ്ങളും
നമുക്കിന്നും ഒരുപോലെയാണ്
പൊട്ടിച്ചിരികളായിരം വിരിഞ്ഞുവാടിയ
നിന്റെ ചൊടിയിലെ മൗനം
എന്റെ തടവറയിലെ ഇരുട്ട് കൊഴുപ്പിക്കുന്നു
തേങ്ങി കരയുന്ന നിന്റെ നിശ്വാസത്തിന്റെ
താപം
ഈ തടവറയിൽ വരണ്ട കാറ്റായ് വീശുന്നു ,
അടഞ്ഞ മുറികളിൽ ഒരേ മനസ്സുമായ്
ഇനിയുമേറെ കാത്തിരിക്കാം നാം ,
മൃതിയുടെ വാതിൽ നമുക്കിടയിൽ ഒരുനാൾ തുറക്കപ്പെടും
ഈ ഒറ്റമുറിയിൽ നാം വീണ്ടും ഒന്നിച്ചു ചേരുവാൻ..
(അനുജ ഗണേഷ് )