Poem

കാരിരുമ്പൊത്തവൾ

കറുത്ത പെണ്ണേ നീ കരിനീലക്കണ്ണിന്നകത്തു കാരിരുമ്പുരുക്കിച്ചേർത്തവൾ കദന ഭാരം നിന്നകമുരുക്കവെ മിഴിയിണകളിൽ മഴ പെയ്യാത്തവൾ..

Prasanth Vasudev

01 Jun 2018 00:59 IST

New Update

കാരിരുമ്പൊത്തവൾ

കറുത്ത പെണ്ണേ നീ

കരിനീലക്കണ്ണിന്നകത്തു

കാരിരുമ്പുരുക്കിച്ചേർത്തവൾ

കദന ഭാരം

നിന്നകമുരുക്കവെ

മിഴിയിണകളിൽ

മഴ പെയ്യാത്തവൾ..

കഠിനകാലവും

ദുരിതകാലവും

കരുത്തു ചാലിച്ചു

കടന്നു വന്നവൾ

കറുത്ത പെണ്ണേ നീ

അകം കറുത്തൊരെൻ കനവിലാദ്യമായ്

കടം പറഞ്ഞവൾ

തഴമ്പുകൈകളിൽ

ഇരുമ്പു ചുറ്റിക

കടുശിലകളിൽ

തീയുതിർക്കവേ

കറുത്ത പെണ്ണേ

പെരുത്തകലെ

നിന്നുകൊണ്ടരിശമാണ്ടവൻ

കൊതിക്കെറുവുണ്ടോൻ...

മഹിതനാരി നിൻ

ഹൃദയവാനിലെൻ

പ്രണയപൂജയ്ക്കായ്

ഇടമൊരുക്കുകിൽ

ഇടതു ചേർത്തു ഞാൻ

കൂടെ നിർത്തിടാം

കൂടെ വന്നിടാം

കഷ്ട പക്ഷങ്ങളിൽ..

കഥ ഫേസ്ബുക്ക്‌ പേജ് :

Karirumbotthaval poem by Prasanth Vasudev Karirumbotthaval kalakaumudi poems kalakaumudi katha