കണ്ണിന് ചുറ്റുമുള്ള ഇരുണ്ട നിറം അകറ്റണോ? പരീക്ഷിക്കൂ ഈ വഴികള്‍

പലരും നേരിടുന്ന പ്രശ്‌നമാണ് കണ്ണുകള്‍ക്ക് ചുറ്റുമുള്ള ഇരുണ്ട നിറം. ഉറക്കമില്ലായ്മയും സ്‌ട്രെസുമൊക്കെ കൊണ്ടാണ് ഡാര്‍ക്ക് സര്‍ക്കിള്‍സ് ഉണ്ടാകാറുള്ളത്.

കംമ്പ്യൂട്ടര്‍, ടിവി, മൊബൈല്‍ ഫോണ്‍ എന്നിവ കൂടുതല്‍ സമയം ഉപയോഗിക്കുന്നതും ഇത്തരത്തില്‍ കണ്ണുകള്‍ക്ക് ചുറ്റുമുള്ള കറുത്ത വളയങ്ങള്‍ ഉണ്ടാകാന്‍ കാരണമാകും.

 
കണ്ണുകള്‍ക്ക് ചുറ്റുമുള്ള ഇരുണ്ട നിറം അകറ്റാനുള്ള വഴികള്‍:

1.സ്‌ട്രോബെറി നീര് തുളസിയിലയും വെള്ളരിക്കാ നീരും കലര്‍ത്തി കണ്ണിനു ചുറ്റും പുരട്ടുന്നത് ഇരുണ്ട പാടുകള്‍ കുറയ്ക്കാന്‍ സഹായിക്കും.

2.തക്കാളിനീര് കണ്ണിന് ചുറ്റും പുരട്ടിയ ശേഷം കഴുകി കളയുന്നതും കണ്‍തടത്തിലെ കറുപ്പ് നിറമകറ്റും. ലൈക്കോപീനിന്റെ നല്ല ഉറവിടമാണ് തക്കാളി. ഇത് ചര്‍മ്മത്തെ മൃദുവാക്കാനും സഹായിക്കും.

3.അവാക്കാഡോയുടെ പള്‍പ്പും ബദാം ഓയിലും ചേര്‍ത്ത് കണ്ണുകള്‍ക്ക് താഴെ പുരട്ടുന്നത് ഇരുണ്ട നിറം കുറയ്ക്കാന്‍ സഹായിക്കും.

4.ടീ ബാഗ് ഉപയോഗിക്കുന്നത് കണ്ണിന് ചുറ്റുമുള്ള കറുത്ത പാടുകള്‍ അകറ്റാന്‍ സഹായിക്കും. ഇതിനായി ഫ്രിഡ്ജില്‍ സൂക്ഷിച്ചുവച്ച ടീ ബാഗ് കണ്‍തടത്തില്‍ പത്ത് മിനിറ്റ് വയ്ക്കുക. പതിവായി ഇത് ചെയ്യുന്നത് കണ്ണിന് ചുറ്റുമുള്ള കറുപ്പ് അകറ്റാന്‍ സഹായിക്കും.

5.കറ്റാര്‍വാഴ ജെല്ലിന്റെ ഗുണങ്ങളെ കുറിച്ച് പ്രത്യേകിച്ച് പറയേണ്ടതില്ലല്ലോ. കണ്‍തടത്തിലെ കറുപ്പ് മാറുന്നതിനായി കറ്റാര്‍വാഴ ജെല്ല് പുരട്ടുന്നതും നല്ലതാണ്.

6.ബദാംപരിപ്പ് പാലില്‍ അരച്ചെടുത്ത് കണ്‍തടങ്ങളില്‍ പുരട്ടി ഒരു മണിക്കൂര്‍ കഴിഞ്ഞ് കഴുകി കളയുക. പതിവായി ഇങ്ങനെ ചെയ്യുന്നത് വ്യത്യാസം അറിയാന്‍ സഹായിക്കും.