/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/post_banners/5d60a2150bc0db7238659a42e060d714875daa994cf8bb793b9262f41d0abe7d.jpg)
ബുലന്ദ്ഷഹര്‍: മാനസിക വെല്ലുവിളി നേരിടുന്ന 13കാരിയെ ലൈംഗിക പീഡനത്തിനിരയാക്കിയ സംഭവത്തില്‍ യുവാവ് അറസ്റ്റില്‍. ഉത്തര്‍പ്രദേശിലെ ബുലന്ദ്ഷഹറിലെ കുര്‍ജനഗര്‍ മേഖലയിലുള്ള ഗ്രാമത്തിലാണ് സംഭവം. ഭിന്നശേഷിക്കാരിയായ പെണ്‍കുട്ടിയാണ് ബലാത്സംഗത്തിനിരയായത്.
കുട്ടി വീട്ടില്‍നിന്നും കളിക്കാനായി ഗ്രാമത്തിലെ സമീപ പ്രദേശത്തേയക്ക് പോയതിനിടെയാണ് പെണ്‍കുട്ടിയെ യുവാവ് ആളൊഴിഞ്ഞ സ്ഥലത്തേക്ക് കൊണ്ടുപോയി പീഡനത്തിരയാക്കിയതെന്ന് പൊലീസ് പറഞ്ഞു.
പിന്നീട് പെണ്‍കുട്ടിയുടെ സഹോദരനാണ് പൊലീസില്‍ വിവരം അറിയിച്ചത്. സ്ഥലത്തെത്തിയ പൊലീസ് അതേ ഗ്രാമത്തിലുള്ള കനയ്യ (30) എന്നയാളെ അറസ്റ്റ് ചെയ്തു. സംഭവത്തില്‍ കേസെടുത്ത് അന്വേഷണം ആരംഭിച്ചതായി എസ്.പി ബജ്രംഗ് ബലി ചൗരാസിയ പറഞ്ഞു. പെണ്‍കുട്ടിയുടെ മെഡിക്കല്‍ പരിശോധന നടത്തിയെന്നും തുടര്‍ നടപടി സ്വീകരിക്കുമെന്നും പൊലീസ് അറിയിച്ചു.
കഴിഞ്ഞ മാസം ഉത്തര്‍പ്രദേശിലെ മീററ്റിലെ ഒരു ഗ്രാമത്തില്‍ പ്രായപൂര്‍ത്തിയാകാത്ത പെണ്‍കുട്ടിയെ പ്ലസ്ടു വിദ്യാര്‍ഥികളായ രണ്ടുപേര്‍ പീഡിപ്പിച്ച സംഭവം ഉണ്ടായിരുന്നു. ഒമ്പതാം ക്ലാസ് വിദ്യാര്‍ഥിനിയായ 14കാരി സ്‌കൂളില്‍നിന്ന് വീട്ടിലേക്ക് മടങ്ങിവരുന്നതിനിടെയാണ് സംഭവം.
പെണ്‍കുട്ടി പഠിക്കുന്ന അതേ സ്‌കൂളിലെ സിനീയര്‍ വിദ്യാര്‍ഥികളാണ് പ്രതികള്‍. കഴിഞ്ഞ മാസം ഉത്തര്‍പ്രദേശിലെ സിതാപുര്‍ ജില്ലയില്‍ പ്രായപൂര്‍ത്തിയാകാത്ത പെണ്‍കുട്ടി കൂട്ട ബലാത്സംഗത്തിനിരയായി കൊല്ലപ്പെട്ടിരുന്നു. പെണ്‍കുട്ടിയെ തട്ടികൊണ്ടുപോയശേഷമാണ് കൂട്ട ബലാത്സംഗത്തിനിരയാക്കിയത്. വീട്ടുകാര്‍ നടത്തിയ തിരച്ചിലിലാണ് പെണ്‍കുട്ടിയെ കൊല്ലപ്പെട്ട നിലയില്‍ കണ്ടെത്തിയത്.