രാജ്യാന്തര റോമിംഗ് പ്ലാനുകളുമായ് റിലയന്‍സ് ജിയോ

കൊച്ചി: റിലയന്‍സ് ജിയോ മൂന്ന് പുതിയ രാജ്യാന്തര റോമിംഗ് പ്ലാനുകള്‍ അവതരിപ്പിച്ചു. യു.എ.ഇ, യു.എസ്.എ വാര്‍ഷിക പാക്കുകളും സൗജന്യ ഇന്‍ഫ്ളൈറ്റ് ആനുകൂല്യങ്ങളും ഉള്‍പ്പെടുത്തിയാണ് പുതിയ പ്ലാന്‍ അവതരിപ്പിച്ചത്. യു.എ.ഇ റോമിംഗ് പ്ലാനുകള്‍ക്ക് 21 ദിവസത്തെ കാലാവധി 2,998 രൂപയ്ക്കും, 14 ദിവസത്തെ വാലിഡിറ്റി 1,598 രൂപയ്ക്കും ഏഴ് ദിവസം വാലിഡിറ്റി 898 രൂപ നിരക്കിലുമാണ് ലഭ്യമാക്കുന്നത്.

ജിയോയുടെ 2,998 രൂപ പ്ലാന്‍ 250 മിനിറ്റ് വീതം ഇന്‍കമിംഗ്, ഔട്ട്ഗോയിംഗ് വോയ്സ് കോളുകള്‍, 7 ജിബി ഡാറ്റ എന്നിവ നല്‍കുന്നു. 1,598 രൂപ പ്ലാനില്‍ 150 മിനിറ്റ് വീതം ഇന്‍കമിംഗ്, ഔട്ട്ഗോയിംഗ് വോയ്സ് കോളുകള്‍, 3 ജിബി ഡാറ്റ എന്നിവ ലഭിക്കും.യു.എസ്.എ റോമിംഗ് പ്ലാനുകളില്‍ 3,455 രൂപയ്ക്ക് 30 ദിവസം വാലിഡിറ്റി, 2,555 രൂപയ്ക്ക് 21 ദിവസം വാലിഡിറ്റി , 1,555 രൂപയ്ക്ക് 10 ദിവസം വാലിഡിറ്റി എന്നിവ ലഭിക്കും.