ആഗോള വിപണിയിൽ എണ്ണ വില കുറഞ്ഞു; ഇന്ത്യയിൽ പെട്രോൾ, ഡീസൽ വിലയിൽ മാറ്റമില്ല

രാജ്യാന്തര വിപണിയിൽ അസംസ്‌കൃത എണ്ണയുടെ വിലയിൽ കുറവുണ്ടായിട്ടുണ്ട്.ഡബ്ല്യുടിഐ ക്രൂഡിന്റെ വില ബാരലിന് 78 ഡോളറായും ബ്രെന്റ് ക്രൂഡിന്റെ വില ബാരലിന് 85 ഡോളറായും കുറഞ്ഞു.അന്താരാഷ്‌ട്ര വിപണിയിൽ അസംസ്‌കൃത എണ്ണയുടെ വില വർധിക്കുന്ന സാഹചര്യത്തിൽ ഇന്ത്യൻ എണ്ണ വിപണന കമ്പനികൾ പെട്രോളിന്റെയും ഡീസലിന്റെയും ഏറ്റവും പുതിയ വില ഇന്ന് പുറത്തുവിട്ടു. വെള്ളിയാഴ്ചയും എണ്ണ കമ്പനികള്‍ പെട്രോൾ, ഡീസൽ വിലയിൽ മാറ്റം വരുത്തിയിട്ടില്ല.

തുടർച്ചയായി 187-ാം ദിവസമാണ് ഇന്ത്യയിൽ പെട്രോൾ, ഡീസൽ വില മാറ്റമില്ലാതെ തുടരുന്നത്.നേരത്തെ മെയ് 21ന് പെട്രോളിന്റെയും ഡീസലിന്റെയും എക്സൈസ് തീരുവ കേന്ദ്ര സർക്കാർ കുറച്ചിരുന്നു.പെട്രോളിന്റെ എക്സൈസ് തീരുവ ലിറ്ററിന് എട്ട് രൂപയും ഡീസലിന് ലിറ്ററിന് ആറ് രൂപയുമാണ് കുറച്ചത്.അതിനുശേഷം പെട്രോളിന്റെയും ഡീസലിന്റെയും വില കുറഞ്ഞു.ഇതിന് പിന്നാലെ രാജ്യത്ത് ഡീസലിന് 9.50 രൂപയും പെട്രോളിന് 7 രൂപയും കുറഞ്ഞു.

കേന്ദ്രസർക്കാരിന്റെ പ്രഖ്യാപനത്തിന് പിന്നാലെ രാജസ്ഥാൻ, മഹാരാഷ്ട്ര, ഒഡീഷ സർക്കാരുകൾ പെട്രോളിന്റെയും ഡീസലിന്റെയും വാറ്റ് കുറച്ചിരുന്നു.നിലവിൽ ഡൽഹിയിൽ പെട്രോൾ ലിറ്ററിന് 96.72 രൂപയും ഡീസൽ ലിറ്ററിന് 89.62 രൂപയുമാണ്. മുംബൈയിൽ പെട്രോൾ ലിറ്ററിന് 106.31 രൂപയ്ക്കും ഡീസൽ 94.27 രൂപയ്ക്കും ലഭ്യമാണ്.