അനന്തപുരിക്ക് വിഷു കൈനീട്ടം വമ്പൻ മാളുകൾ

തിരുവനന്തപുരം :മെട്രോസിറ്റിയുടെ ഭാഗമായ വമ്പൻമാളുകൾ തലസ്ഥാനത്തും. ഏപ്രിലിൽ വിഷുക്കൈനീട്ടമായി ആദ്യമാൾ മാൾ ഓഫ് ട്രാവൻകൂർ ഉദ്ഘാടനം ചെയ്യും. മലബാർ ഗ്രൂപ്പാണ് അണിയറ ശില്പികൾ. അനന്തപുരി ആശുപത്രിക്കും വിമാനത്താവളത്തിലേക്കുള്ള പ്രവേശന കവാടത്തിനും സമീപത്താണ് മാൾ ഓഫ് ട്രാവൻകൂർ ഒരുങ്ങുന്നത്.

നിർമാണപ്രവർത്തനങ്ങൾ 90 ശതമാനം പൂർത്തിയായതായും ഏപ്രിലിൽ ഉദ്ഘാടനം നടക്കുമെന്നും മലബാർ ഗ്രൂപ്പ് ചെയർമാൻ എം.പി.അഹമ്മദ് പറഞ്ഞു. നൂറ്റിയൻപതിലധികം അന്താരാഷ്ട്ര ബ്രാൻഡുകൾക്കു പുറമെ എഴു മൾട്ടിപ്ലക്സുകൾ, ഫുഡ്കോ ർട്ട്, അമ്യുസ്മെ ന്റ് പാർക്ക് എന്നിവയെല്ലാം മാളിലുണ്ടാകും. മൂവായിരം പേർക്ക് നേരിട്ട് തൊഴിലവസരം നൽകുന്നതാണ് സ്ഥാപനം.

മൂന്നരലക്ഷം ചതുരശ്രയടി വിസ്തീർണത്തിലാണ് മാൾ ഒരുങ്ങുന്നത്. ബഹുനിലമാളിന്റെ താഴെയുള്ള നിലയിലാണ് കാർപാർക്കിങ് സൗകര്യം ഒരുക്കിയിട്ടുള്ളത്. ഒരേസമയം ആയിരത്തിലധികം കാറുകൾ നിർത്തിയിടാനുള്ള സൗകര്യം വിവിധ ഫ്ളോറുകളിലുമുണ്ടാകും.

അത്യാധുനിക സുരക്ഷാസംവിധാനമാണ് മാളിന്റെ മറ്റൊരു പ്രത്യേകത. നൂറ്റിയൻപതിലധികം സുരക്ഷാജീവനക്കാരുണ്ടാകും. മാൾ പൂർണമായും ക്യാമറ നിരീക്ഷണത്തിലായിരിക്കും. സ്ഥിരം കുറ്റവാളികളെ തിരിച്ചറിയാൻ പോലീസിന്റെ സഹായത്തോടെ പ്രത്യേക ഡാറ്റാബാങ്ക് തയ്യാറാക്കും. മാളിനുള്ളിലേക്ക് വരുന്ന ഒരോരുത്തരെയും നിരീക്ഷിക്കാനുള്ള സംവിധാനമുണ്ട്. പോലീസ് ക്രിമിനൽ ലിസ്റ്റിലുള്ളവർ മാളിൽ കയറിയാൽ തിരിച്ചറിയാൻ കഴിയും.

മാളിലെ ഫുഡ്കോ ർട്ടിന്റെ സംവിധാനങ്ങൾ അന്താരാഷ്ട്ര നിലവാരത്തിലുള്ളവയാണ്. മാളിലെ സ്ഥാപനങ്ങളിൽ വിതരണം ചെയ്യുന്ന ഭക്ഷണസാധനങ്ങളുടെ നിലവാരം പരിശോധിക്കാൻ പ്രത്യേക സംവിധാനമുണ്ടാകും. എല്ലാ സ്ഥാപനങ്ങളും ഈ മാനദണ്ഡങ്ങൾ പാലിക്കണം.

മാളിലേക്ക് എത്താൻ സിറ്റിയിൽ നിന്ന് പ്രത്യേക ബസ് സർവീസ് ഉണ്ടാകും. കിഴക്കേക്കോട്ട, റെയിൽവേ സ്റ്റേഷൻ, ബസ്സ്റ്റാ ൻഡ് എന്നിവിടങ്ങിൽ നിന്നു തുടർച്ചയായി മാളിലേക്ക് സൗജന്യ ബസുകളുണ്ടാകും. ഷോപ്പിങ് കഴിഞ്ഞ് തിരിച്ച് ബസിൽ നഗരത്തിലേക്ക് മടങ്ങാം. മാളിൽ നിന്നു പ്രത്യേക ടാക്സി സർവീസും ഉണ്ടാകും. ;തനിച്ചെത്തുന്ന സ്ത്രീകൾക്ക് പ്രത്യേക സുരക്ഷാസോണുകളും ഉണ്ടാകും. കുട്ടികൾക്കുള്ള അമ്യൂസ്മെ ന്റ് പാർക്കിലും പ്രത്യേക സുരക്ഷാസംവിധാനങ്ങളുണ്ട്.

കൊല്ലം, പത്തനംതിട്ട, ആലപ്പുഴ, കോട്ടയം, കന്യാകുമാരി, നാഗർകോവിൽ പ്രദേശങ്ങളിലുള്ളവരെ ആകർഷിക്കും വിധമാണ് മാളൊരുങ്ങുന്നത്. മാളിന്റെ പ്രവേശന കവാടത്തിനോടു ചേർന്നാണ് വിമാനത്താവളത്തിലേക്കുള്ള റാംപ് ഇവിടെ ഇപ്പോഴേ ഗതാഗതക്കുരുക്കാണ്. മാളിലേക്കുള്ള വാഹനങ്ങൾ കൂടിയാകുമ്പോൾ ഗതാഗതപ്രശ്നം ഇരട്ടിക്കാനാണ് സാധ്യതയെന്നും ഇതു പരിഹരിക്കാനുള്ള ശ്രമങ്ങൾ അധികൃതരുടെ ഭാഗത്തുനിന്നുണ്ടാകണമെന്നും എം.പി.അഹമ്മദ് പറഞ്ഞു.