ടിവിഎസുമായി കൈകോര്‍ത്ത് മിത്‌സുബിഷി; വീണ്ടും ഇന്ത്യന്‍ വിപണിയിലേക്ക്

മുംബൈ: ജാപ്പനീസ് വാഹന കമ്പനിയായ മിത്‌സുബിഷി ടി വി എസ് മൊബിലിറ്റിയുമായി കൈക്കോര്‍ക്കുന്നു. ടി വി എസിന്റെ കാര്‍ വിപണന വിഭാഗം പ്രത്യേക കമ്പനിയാക്കി, അതില്‍ 30 ശതമാനത്തിന് മുകളില്‍ ഓഹരിയെടുക്കാനാണ് മിത്‌സുബിഷിയുടെ തീരുമാനം. ഈ വര്‍ഷം ആദ്യപകുതിയില്‍ തന്നെ മിത്‌സുബിഷി വീണ്ടും ഇന്ത്യന്‍ വിപണിയില്‍ പ്രവേശിക്കുമെന്നാണ് റിപ്പോര്‍ട്ട്.

ഇന്ത്യയില്‍ ഹോണ്ട കാറുകളുടെ വിപണനത്തില്‍ മുന്നിലുള്ള കമ്പനിയാണ് ടി വി എസ് മൊബിലിറ്റി. അനുമതി ലഭിച്ചാല്‍ 250 മുതല്‍ 500 കോടി രൂപ വരെ നിക്ഷേപിക്കുമെന്നാണ് സൂചന.