വോള്‍വോ എക്സ്സി 90 എസ്യുവി സ്വന്തമാക്കി ആഷിക്കും റിമയും

വോള്‍വോ എക്സ്സി 90 എസ്യുവി സ്വന്തമാക്കി സംവിധായകന്‍ ആഷിക് അബുവും നടി റിമ കല്ലിങ്കലും. വോള്‍വോയുടെ കൊച്ചി ഷോറൂമില്‍ നിന്നാണ് ആഷിക് അബുവും റീമ കല്ലിങ്കലും ഒരുമിച്ചെത്തി വാഹനം സ്വന്തമാക്കിയത്.

സുരക്ഷയില്‍ മുന്നില്‍ നില്‍ക്കുന്ന ആഡംബര വാഹനമാണ് എക്സ്സി 90. വാഹനത്തിന് 300 ബിഎച്ച്പി കരുത്തും 420 എന്‍എം ടോര്‍ക്കുമുണ്ട്. പൂജ്യത്തില്‍നിന്ന് 100 കിലോമീറ്റര്‍ വേഗത്തിലെത്താന്‍ 5.6 സെക്കന്‍ഡ് മാത്രം മതി.

ഏഴ് പേര്‍ക്ക് ഇരിക്കാവുന്ന വാഹനത്തിന് 4953 മില്ലീമീറ്റര്‍ നീളവും 1958 മില്ലീമീറ്റര്‍ വീതിയും 1776 മില്ലീമീറ്റര്‍ ഉയരവുമുണ്ട്.

ഏകദേശം 90.90 ലക്ഷം രൂപയാണ് വാഹനത്തിന്റെ കൊച്ചി എക്സ് ഷോറൂം വില.