/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/post_banners/57e7cc4f12e9516519de1e69290966ee61922bb7d3279ba5729a262f034b92b3.jpg)
ഉമാമഹേശ്വരന്മാരെ ആരാധിക്കാന്‍ ഏറ്റവും നല്ലസമയമാണ് ധനു. ഈ മാസം മുഴുവന്‍ വ്രതമെടുത്ത് ഉമാ മഹേശ്വരപൂജ ചെയ്യുകയും പ്രാര്‍ത്ഥിക്കുകയും തിരുവാതിര നാളില്‍ ഉപവസിക്കുകയും ചെയ്താല്‍ മംഗല്യ പ്രാപ്തിയും ഇഷ്ട ഭര്‍ത്തൃലബ്ധിയും ഉണ്ടാകും. ഒപ്പം
എല്ലാ ദിവസവും ശിവപാര്‍വ്വതി ക്ഷേത്രദര്‍ശനം നടത്തുന്നത് ഫലപ്രാപ്തി വര്‍ദ്ധിപ്പിക്കും.
ധനു ശ്രീപരമേശ്വരിക്കു പ്രാധാന്യമുള്ള മാസമായതിനാലാണ് ഈ പുണ്യം ലഭിക്കുന്നത്.
ധനുമാസത്തിലെ തിരുവാതിര ഭഗവാന്റെ തിരുനാളായതിനാല്‍ ദേവീദേവന്മാര്‍ പൊതുവെ ശാന്തഭാവത്തിലും അനുഗ്രഹഭാവത്തിലുമായിരിക്കും കുടികൊള്ളുക. അതുകൊണ്ടുതന്നെ ഈ മാസം ചെയ്യുന്ന ഏതു വ്രതത്തിനും ഇരട്ടിഫലമാണ്.
ഭര്‍ത്താവുമൊത്ത് സന്തോഷകരമായി കഴിയുന്ന ദേവി സന്തുഷ്ടയും സന്തോഷവതിയും ആ
യതിനാല്‍ പെട്ടെന്ന് പ്രസാദിക്കും. ശ്രീപരമേശ്വരീ പൊതുവെ ശാന്തസ്വരൂപിണിയാണെങ്കിലും ചില അവസരങ്ങളില്‍ ആവശ്യാനുസരണം രൗദ്രഭാവം കൈക്കൊള്ളാറുണ്ട്. നല്ല വിവാഹത്തിനും മക്കളുടെയും ഭര്‍ത്താവിന്റെയും തന്റെയും യൂരാരോഗ്യസൗഖ്യത്തിനും ഉത്തമമായ ഉമാമഹേശ്വര പൂജ പഠിച്ചിട്ടുള്ളവര്‍ക്ക് സ്വയം വീട്ടില്‍ ചെയ്യാം.
പക്ഷേ വിധിപ്രകാരം ചെയ്താലേ ഫലമുണ്ടാകുകയുള്ളൂ. പൂജ അറിയാത്തവര്‍ക്ക് വീട്ടില്‍ പൂജാരിയെക്കൊണ്ട് ചെയ്യിക്കാം. പൂജാരി തരുന്ന ചീട്ടിന്‍ പ്രകാരമുള്ള സാധനങ്ങള്‍ വാങ്ങിക്കൊടുക്കണം. പൂജ ചെയ്യുന്നതിന്റെ തലേന്ന് വീട് ശുദ്ധമാക്കണം. അതായത് അടിച്ചുവാരി കഴുകിത്തുടച്ച് വൃത്തിയാക്കണം.
പൂജാപാത്രങ്ങളും മറ്റും കഴുകി വൃത്തിയാക്കി പൂജാമുറി ഒരുക്കി സാധനങ്ങള്‍ വാങ്ങി വയ്ക്കണം. പൂജാരിയ്ക്ക് നമുക്കിഷ്ടമുള്ള ദക്ഷിണ കൊടുക്കാം. ഇതിനൊപ്പം ധനുമാസം മുഴുവന്‍ വ്രതശുദ്ധിയോടെ രാവിലെയും വൈകുന്നേരവും വിളക്കു തെളിച്ച് ഉമാമഹേശ്വരസേ്താത്രം ജപിക്കണം. ക്ഷേത്രങ്ങളില്‍ ഉമാമഹേശ്വര പൂജ നേര്‍ച്ചയായി നടത്തുന്നതാണ് എളുപ്പം.
ശിവക്ഷേത്രങ്ങളിലോ ശിവപാര്‍വ്വതിക്ഷേത്രങ്ങളിലോ വേണം ചെയ്യാന്‍. എല്ലാ ശിവ,പാര്‍വ്വതി ക്ഷേത്രങ്ങളിലും ഉമാമഹേശ്വരപൂജ സാധാരണ ചെയ്യാറുണ്ട്. എന്നാല്‍ ഇത് ഒരാള്‍ക്കു മാത്രമായി ക്ഷേത്രങ്ങളില്‍ ചെയ്യില്ല. അതിനാല്‍ കൂട്ടത്തിലേ ചെയ്യാന്‍ സാധിക്കൂ. ഇതിന് പണമടച്ച് രസീതാക്കിയാല്‍ മതി. ധനുമാസം മുഴുവന്‍ ദിവസങ്ങളിലും ഉ
മാ മഹേശ്വര പൂജ ക്ഷേത്രങ്ങളില്‍ ചെയ്ത് ദേവീ ദേവന്മാരെ തൃപ്തിപ്പെടുത്തുന്നത് ഏറ്റവും അനുഗ്രഹദായകമാണ്.
101 രൂപയാണ് പല ക്ഷേത്രങ്ങളിലും ഉമാമഹേശ്വരപൂജയുടെ നിരക്ക്. ചില ക്ഷേത്രങ്ങളില്‍ ഇതിന് വ്യത്യാസം വരാം. ധനുവിലെ എല്ലാ ദിവസവും ഉമാമഹേശ്വര പൂജയ്ക്ക് ഉത്തമമാണെങ്കിലും ഇതില്‍ രണ്ടു നാളുകള്‍ ഏറ്റവും മഹത്വമുള്ളവയാണ്. മകയിരം, തിര
ുവാതിര ദിനങ്ങള്‍. ഈ ദിവസങ്ങളില്‍ സുമംഗലികളും കന്യകമാരും നിര്‍ബന്ധമായും വ്രതമെടുക്കണം. ഈ ആചരണത്തിന് പല കാരണങ്ങള്‍ പറയുന്നുണ്ടെങ്കിലും ശ്രീ മഹാദേവന്റെ തിരുനാള്‍ എന്നതു തന്നെയാണ് പ്രധാനം. ഈ ദിവസം സന്തോഷകരമായ കുടുംബജീവിതത്തിന് ദേവി തിരുവാതിര നോയ്മ്പ് എടുത്തു എന്നാണ് വിശ്വാസം. പാലാഴി മഥന കാലത്ത് മഹാദേവന്‍ 'ഹലാഹലം' എന്ന വിഷം കുടിച്ചപ്പോള്‍ വിഷം തൊ
ണ്ടയ്ക്ക് താഴെ പോകാതെ ശ്രീഭഗവതി ഭഗവാനെ രക്ഷിച്ചതും തിരുവാതിര ദിവസമാണെന്ന് വിശ്വസിക്കപ്പെടുന്നു.
സൃഷ്ടിയുടെ തുടക്കമെന്നോണം ഒമ്പതു ദിവ്യ ശക്തികളെ ശിവന്‍ തന്നിലേക്കു ലയിപ്പിച്ചതും തിരുവാതിര നാളിലായിരുന്നത്രെ. ബാലഗോപാലനെ പതിയായി കിട്ടാന്‍ പണ്ട് കാര്‍ത്ത്യായനി വ്രതമനുഷ്ഠിച്ചിരുന്നു. അതിന്റെ ഓര്‍മ്മപ്പെടുത്തലായും തിരുവാതിരവ്രതം കണക്കാക്കപ്പെടുന്നു. പൂര്‍വ്വജന്മത്തില്‍ ഭഗവതി ദക്ഷപുത്രിയായ സതിയായിരുന്നു.
ഭര്‍ത്താവിനെ നിന്ദിച്ച പിതാവിനു മുമ്പില്‍ പതിവ്രതയായ സതി സ്വയം അഗ്നിയായി വെന്തൊടുങ്ങി. അവര്‍ പുനര്‍ജനിച്ചത് ഹിമവല്‍ പുത്രിയായ ശ്രീപാര്‍വ്വതിയായിട്ടാണ്. മഹേശ്വരനെ ഭര്‍ത്താവായി കിട്ടാന്‍ പഞ്ചാഗ്നി മദ്ധ്യത്തില്‍ തപസ്‌സു ചെയ്ത പാര്‍വ്വതിക്ക് ഭഗവാന്‍ ദര്‍ശനം നല്‍കി സ്വയം സമര്‍പ്പിച്ചു.
പരമേശ്വരനെ വരിച്ചതിനാല്‍ പരമേശ്വരി എന്നും ലോകമാതാവായതിനാല്‍ അംബ, അംബിക, അബാലിക എന്നും ഹിമവല്‍ പുത്രിയായതിനാല്‍ ഹൈമവതി എന്നും ഭഗവതിക്കു പേരുകളുണ്ട്. തന്നില്‍ നിക്ഷിപ്തമായ ദൗത്യങ്ങളുസരിച്ച് ഭഗവതി വിവിധരൂപങ്ങളില്‍ വിളങ്ങുന്നു. സ്വയംവര പാര്‍വ്വതി അതിലൊന്നാണ്.
മംഗല്യഭാഗ്യവും ദീര്‍ഘ സുമംഗലിയോഗവും ഭക്തര്‍ക്കു നല്‍കുന്ന ഉമയ്ക്ക് ഈ സമയം സാത്വികഭാവമാണ്. ശിവനെ മാലയിട്ടു വരിക്കാന്‍ നില്ക്കുന്ന തേജോമയിയായ കന്യകാരൂപമാണ് അപ്പോള്‍ ദേവിക്ക്.