സന്ദീപ് വാര്യര്‍ ഗുണമായോ എന്ന് ഫലം വരുമ്പോളറിയാം: ചെന്നിത്തല

സന്ദീപ് വാര്യരുടെ കോണ്‍ഗ്രസിലേക്കുള്ള വരവ് ഗുണകരമായോ എന്ന് തിരഞ്ഞെടുപ്പ് ഫലം വരുമ്പോള്‍ അറിയാമെന്ന് കോണ്‍ഗ്രസ് നേതാവ് രമേശ് ചെന്നിത്തല. മഹാരാഷ്ട്ര തിരഞ്ഞെടുപ്പ് തിരക്കിലായിരുന്നതിനാല്‍ ഫോണിലൂടെയാണ് കാര്യങ്ങള്‍ അറിഞ്ഞത്. സന്ദീപ് വാര്യരും ഫോണില്‍ വിളിച്ചിരുന്നു. ആര്‍എസ്എസിനു ഭൂമി വിഷയം സന്ദീപിനോടു തന്നെ ചോദിക്കണമെന്നും രമേശ് ചെന്നിത്തല പറഞ്ഞു.
പാലക്കാട് നല്ല ഭൂരിപക്ഷം കോണ്‍ഗ്രസിന് ഉണ്ടാകും. ചേലക്കര സര്‍ക്കാരിനെതിരായ വിധിയെഴുത്ത് ആകുമെന്നും രമേശ് ചെന്നിത്തല പറഞ്ഞു. ഭരണഘടനാ വിവാദ പരാമര്‍ശത്തിലെ ഹൈക്കോടതി വിധിയില്‍ മന്ത്രി സജി ചെറിയാന്‍ ഉടന്‍ രാജി വയ്ക്കണമെന്നും അദ്ദേഹം ആവശ്യപ്പെട്ടു. രാജി ആവശ്യപ്പെട്ട് സമരത്തിലേക്ക് പോകുമെന്നും ചെന്നിത്തല പറഞ്ഞു.