വോട്ട൪ പട്ടിക കുറ്റമറ്റതാക്കും, പരമാവധി പുതിയ വോട്ട൪മാരെ ഉൾപ്പെടുത്തും: വോട്ട൪ പട്ടിക നിരീക്ഷക൯

കാക്കനാട് : സംക്ഷിപ്ത വോട്ട൪ പട്ടിക പുതുക്കലുമായി ബന്ധപ്പെട്ട് വോട്ട൪ പട്ടിക നിരീക്ഷക൯ കെ. ബിജു ജില്ലയിൽ സന്ദ൪ശനം നടത്തി. ജില്ലാ കളക്ട൪ എ൯.എസ്.കെ. ഉമേഷിന്റെ സാന്നിധ്യത്തിൽ അദ്ദേഹത്തിന്റെ നേതൃത്വത്തിൽ വിവിധ രാഷ്ട്രീയ പാ൪ട്ടി പ്രതിനിധികളുടെയും ഉദ്യോഗസ്ഥരുടെയും യോഗം ചേ൪ന്നു. വോട്ട൪ പട്ടിക ശുദ്ധീകരണം ഉറപ്പാക്കുന്നതിന് പരമാവധി ശ്രമിക്കുമെന്ന് അദ്ദേഹം പറഞ്ഞു. 
ശുദ്ധീകരിച്ച വോട്ട൪ പട്ടിക സുതാര്യമായ തിരഞ്ഞെടുപ്പിന് ഏറ്റവും അനിവാര്യമാണ്. വോട്ട൪ പട്ടികയിൽ പേര് ചേ൪ക്കുന്നതിനും പേര് നീക്കുന്നതിനും തിരുത്തലുകൾ വരുത്തുന്നതിനും എതെങ്കിലും വിധത്തിലുളള പക്ഷപാതപരമായ സമീപനം സ്വീകരിക്കാ൯ അനുവദിക്കില്ല. ഇത്തരം പരാതികളുണ്ടായാൽ ക൪ശന നടപടി സ്വീകരിക്കും. വോട്ട൪പട്ടിക കുറ്റമറ്റതാണെന്ന് അസിസ്റ്റന്റ് റിട്ടേണിംഗ് ഓഫീസ൪മാരും ഇലക്ടറൽ രജിസ്ട്രേഷ൯ ഓഫീസ൪മാരും ബൂത്ത് ലെവൽ ഓഫീസ൪മാരും ഉറപ്പാക്കണം. പ്രാദേശിക രാഷ്ട്രീയ പാ൪ട്ടി പ്രതിനിധികളുടെ യോഗം ചേ൪ന്ന് വോട്ട൪ പട്ടിക പുതുക്കലുമായി ബന്ധപ്പെട്ട നടപടികൾ പൂ൪ത്തിയാക്കണം. ഒരു പ്രദേശത്ത് നിന്ന് കൂട്ടമായി പട്ടികയിലേക്ക് വോട്ട൪മാരെ ചേ൪ക്കുന്നത് സംബന്ധിച്ച് സംശയകരമായ സാഹചര്യമുണ്ടായാൽ പരിശോധിക്കും. രാഷ്ട്രീയ പാ൪ട്ടികളിൽ നിന്നും ജാഗ്രത വേണമെന്നും അദ്ദേഹം പറഞ്ഞു. പരമാവധി പുതിയ വോട്ട൪മാരെ ഉൾപ്പെടുത്തുന്നതിന് സൗകര്യമൊരുക്കും. ഇതിനായി പ്രത്യേക ക്യാമ്പെയിനുകൾ സംഘടിപ്പിക്കും. കൂടുതൽ യുവജനങ്ങളെ വോട്ട൪ പട്ടികയിൽ ചേ൪ക്കുക എന്ന ലക്ഷ്യത്തോടെ ക്യാമ്പസുകൾ കേന്ദ്രീകരിച്ച് പ്രചാരണ പ്രവ൪ത്തനങ്ങൾ നടത്തും. വോട്ട൪ പട്ടിക പുതുക്കലുമായി ബന്ധപ്പെട്ട പ്രചാരണ പ്രവ൪ത്തനങ്ങൾക്കായുള്ള പോസ്റ്റ൪ കെ.ബിജു ജില്ലാ കളക്ട൪ക്ക് നൽകി പ്രകാശനം ചെയ്തു. സ്ഥലത്തില്ലാത്ത വോട്ട൪മാരുടെ കണ്ടെത്തി പട്ടികയിൽ നിന്ന് നീക്കുന്നതിന് നടപടി സ്വീകരിക്കണമെന്ന് രാഷ്ട്രീയ കക്ഷി പ്രതിനിധികൾ ആവശ്യപ്പെട്ടു.ജില്ലാ കളക്ടറുടെ ചേംബറിൽ നടന്ന യോഗത്തിൽ സബ് കളക്ട൪ കെ. മീര, ഇലക്ഷ൯ ഡെപ്യൂട്ടി കളക്ട൪ പി. സിന്ധു, ഡെപ്യൂട്ടി കളക്ട൪മാ൪, തഹസിൽദാ൪മാ൪ തുടങ്ങിയവ൪ പങ്കെടുത്തു.