'നിങ്ങൾക്ക് ഇതിനോട് താത്പര്യമില്ലേ?', സ്വർണക്കടത്ത് കേസിൽ  ഇഡിയോട് സുപ്രീം കോടതി

ന്യൂഡൽഹി: കേരളത്തിലെ സ്വർണക്കടത്ത് കേസിൽ താത്പര്യമില്ലേയെന്ന് ഇഡിയോട് സുപ്രീം കോടതി. കേസിന്റെ വിചാരണ കർണാടകയിലേക്ക് മാറ്റണമെന്ന ഇഡിയുടെ ഹർജി പരിഗണിക്കവെയാണ് ചോദ്യം.

തങ്ങളുടെ അഭിഭാഷകൻ എസ്.വി. രാജു ഇന്ന് കോടതിയിൽ ഹാജരാകില്ലെന്നും അതിനാൽ കേസ് മാറ്റിവയ്ക്കണമെന്നും കോടതിയിൽ ഇഡി ആവശ്യപ്പെട്ടിരുന്നു. ഇതോടെയാണ് കേസിൽ താത്പര്യമില്ലേയെന്ന് ഇഡിയോട് സുപ്രീം കോടതി ചോദിച്ചത്. ഹർജി പരിഗണിക്കുന്നത് 6 ആഴ്ചത്തേക്ക് മാറ്റിവച്ചു.