ശ്രീപദ്മനാഭ സ്വാമി ക്ഷേത്രത്തിൽ ദർശന സമയത്തിൽ മാറ്റം; പുതിയ സമയക്രമം ഇങ്ങനെ

തിരുവനന്തപുരം : തിരുവനന്തപുരം ശ്രീപദ്മനാഭ സ്വാമി ക്ഷേത്രത്തിലെ ദർശന സമയത്തിൽ മാറ്റം. ഒറ്റക്കൽ മണ്ഡപം , താഴ്വാരം എന്നിവയുടെ നവീകരണവുമായി ബന്ധപ്പെട്ടാണ് ദർശന സമയത്തിൽ പുതിയ മാറ്റ വരുത്തിയത്.ഈ മാസം 20 മുതലാണ് മാറ്റങ്ങൾ പ്രാബല്യത്തിൽ വരിക.

നിർമ്മാല്യ ദർശനത്തിനു ശേഷം രാവിലെ 6 .30 മുതൽ ഏഴുമണി വരെയും അതിനു ശേഷം എട്ടു മണി മുതൽ പത്തു മണി വരെയുമാണ് ദർശനം ഉണ്ടായിരിക്കുക.വൈകിട്ട് അഞ്ചു മുതൽ 6 . 15 വരെയും 6 . 45 മുതൽ 7 .20 വരെയും ദർശന സൗകര്യം ഉണ്ടായിരിക്കും. ശീവേലിക്ക് ശേഷവും ദർശനമുണ്ടാകും.