കെട്ടിയിട്ട് പീഡിപ്പിച്ചുവെന്ന ട്രാൻസ്‌ജെൻഡറിന്റെ പരാതി; അലിൻ ജോസ് പെരേര, സന്തോഷ് വർക്കി അടക്കം 5 പേർക്കെതിരെ കേസ്

കൊച്ചി: സിനിമയിൽ അവസരം വാഗ്ദാനം ചെയ്ത് കെട്ടിയിട്ട് പീഡിപ്പിച്ചെന്ന ട്രാൻസ്‌ജെൻഡറിന്റെ പരാതിയിൽ അഞ്ചുപേർക്കെതിരെ കേസ്. ഹ്രസ്വചിത്ര സംവിധായകൻ വിനീത്, യൂട്യൂബർ സന്തോഷ് വർക്കി (ആറാട്ടണ്ണൻ), അലിൻ ജോസ് പെരേര, ബ്രൈറ്റ്, അഭിലാഷ് എന്നിവർക്കെതിരെയാണ് പൊലീസ് കേസെടുത്തത്.കൊച്ചി സ്വദേശിയായ ട്രാൻസ്ജെൻഡറാണ് പരാതി നൽകിയിരിക്കുന്നത്.

ഓ​ഗസ്റ്റ് 12-നാണ് ഇവർ പരാതിപ്പെട്ടത്. കഴിഞ്ഞ ഏപ്രിലിലായിരുന്നു കേസിനാസ്പദമായ സംഭവം.സിനിമയിലെ ഭാഗങ്ങൾ അഭിനയിച്ച് കാണിക്കാനെന്ന വ്യാജേന കൈകൾ കെട്ടിയിട്ട് ഒന്നാം പ്രതിയായ വിനീത് പീഡിപ്പിച്ചെന്നാണ് പരാതിയിൽ പറയുന്നത്. ബാക്കി പ്രതികൾക്ക് വഴങ്ങിക്കൊടുക്കണമെന്ന് ഇയാൾ ഭീഷണിപ്പെടുത്തിയെന്നും പരാതിയിലുണ്ട്.രഹസ്യമൊഴിയടക്കം രേഖപ്പെടുത്തിയ ശേഷമാണ് പൊലീസ് കേസെടുത്തത്.