ശക്തമായ മഴ തുടരുന്ന സാഹചര്യത്തിലും വിവിധ താലൂക്കുകളിലെ സ്കൂളുകളില് വെള്ളക്കെട്ട് രൂപപ്പെട്ടതിനാലും ആലപ്പുഴ ജില്ലയിലെ കുട്ടനാട്, അമ്പലപ്പുഴ, ചേര്ത്തല, ചെങ്ങന്നൂര് എന്നീ താലൂക്കുകളിലെ എല്ലാ വിദ്യാഭ്യാസ സ്ഥാപനങ്ങള്ക്കും അങ്കണവാടികള്ക്കും വെള്ളിയാഴ്ച അവധി പ്രഖ്യാപിച്ചു. മുന് നിശ്ചയിച്ച പരീക്ഷകള്ക്ക് മാറ്റമില്ല.കനത്ത മഴയുടെ പശ്ചാത്തലത്തില് വയനാട്, കണ്ണൂര്, കാസര്കോട് ജില്ലകളില് ഓറഞ്ച് അലര്ട്ട് പ്രഖ്യാപിച്ചു. നേരത്തേ കണ്ണൂര്, വയനാട് ജില്ലകളില് മാത്രമായിരുന്നു അലര്ട്ട്. വെള്ളിയാഴ്ച 9 ജില്ലകളില് യെലോ അലര്ട്ടുണ്ട്.കാലവര്ഷക്കെടുതിയില് ബുധനാഴ്ച 3 പേര് മരിച്ചു. 3 ദിവസം കൂടി കാലവര്ഷം ശക്തമായി തുടരുമെന്നാണു പ്രവചനം. കണ്ണൂര്, കാസര്കോട് ജില്ലകളിലെ തീരപ്രദേശത്തു പ്രത്യേക ജാഗ്രത വേണമെന്നു നിര്ദേശമുണ്ട്. മത്സ്യത്തൊഴിലാളികള്ക്ക് കടലില് പോകുന്നതിനും നിയന്ത്രണം ഏര്പ്പെടുത്തി.