സ്വകാര്യ ബസ് മരത്തിലിടിച്ച് അപകടം; 21 യാത്രക്കാർക്ക് പരിക്ക്

കോഴിക്കോട്: കോഴിക്കോട് കുന്നമംഗലത്ത് സ്വകാര്യ ബസ് മരത്തിൽ ഇടിച്ചുണ്ടായ അപകടത്തിൽ 21 യാത്രക്കാർക്ക് പരിക്ക്. ആരുടെയും പരിക്ക് ​ഗുരുതരമല്ലെന്നാണ് ലഭ്യമാകുന്ന വിവരം. സ്കൂട്ടറിനെ മറികടക്കാനുള്ള ശ്രമത്തിനിടയിൽ ബസ് നിയന്ത്രണം വിട്ട് മരത്തിൽ ഇടിക്കുകയായിരുന്നു. കുന്ദമംഗലത്തിന് സമീപം പത്താം മൈലിലിൽ ഉച്ചയ്ക്ക് രണ്ടുമണിയോടെയായിരുന്നു അപകടം. അപകടത്തിൽ പരിക്കേറ്റവരെ കോഴിക്കോട് മെഡിക്കൽ കോളേജിലേക്ക് മാറ്റി.