പൂർണ ആരോ​ഗ്യവാനായി ചിരിച്ച മുഖത്തോടെ കൺമുന്നിൽ കുഞ്ഞൂഞ്ഞ്; കണ്ണ്​ നിറഞ്ഞ്​ മറിയാമ്മ

തി​രു​വ​ന​ന്ത​പു​രം:  ചിരിച്ചുകൊണ്ടു നിൽക്കുന്ന  ഉ​മ്മ​ൻ​ചാ​ണ്ടി​യു​ടെ മെ​ഴു​കു​പ്ര​തി​മ​യ്ക്ക് മുന്നിൽ കണ്ണ് നിറഞ്ഞ് മ​റി​യാ​മ്മ ഉ​മ്മ​ൻ.കി​ഴ​ക്കേ​കോ​ട്ട​യി​ലെ സു​നി​ൽ വാ​ക്സ്​ മ്യൂ​സി​യ​ത്തി​ൽ ശി​ൽ​പി സു​നി​ൽ തീ​ർ​ത്ത ശി​ൽ​പ​ത്തി​ൻറെ ഉ​ദ്​​ഘാ​ട​ന ച​ട​ങ്ങി​ലാ​ണ്​ ഏവരെയും വേദനിപ്പിക്കുന്ന നിമിഷത്തിന് വേദിയായത്.

പൂർണ്ണ ആരോ​ഗ്യവാനായി ചിരിച്ച മു​ഖ​ത്തോ​ടെ നിൽക്കുന്ന ഉ​മ്മ​ൻ​ചാ​ണ്ടി​യു​ടെ മെ​ഴു​കു​പ്ര​തി​മ​യ്ക്ക് മുന്നിലെത്തിയ പ്രിയ പത്നി മറിയാമ്മ ഉമ്മൻ ആദ്യം മു​ഖ​ത്ത്​​ അ​ൽ​പം നേ​രം നി​ന്നു. പി​ന്നെ ക​യ്യി​ൽ തൊ​ട്ടു,പിന്നീട് ക​വി​ളി​ൽ ത​ലോ​ടി. അ​പ്പോ​ഴേ​ക്കും മ​റി​യാ​മ്മ​യു​ടെ ക​ണ്ണു​ക​ൾ നി​റ​ഞ്ഞൊഴുകി.

‘അ​പ്പ ത​നി​ക്ക​രി​കി​ലെ​ത്തി​യെ​ന്ന് പ​റ​യു​മ്പോ​ഴേ​ക്കും’ എന്ന് കണ്ണീരോടെയാണ് മ​റി​യാമ്മ പറഞ്ഞത്.മറിയാമ്മയ്ക്കൊപ്പമുണ്ടായിരുന്ന മ​ക​ൻ ചാ​ണ്ടി ഉ​മ്മ​ന്റെയും പേ​ര​ക്കു​ട്ടി എ​ഫി​നോ​വയുടെയും അവസ്ഥയും ഇതായിരുന്നു. 14 വ​ർ​ഷം മു​മ്പാ​ണ് ശി​ൽ​പി സു​നി​ൽ ക​ണ്ട​ല്ലൂ​ർ മെഴുകു പ്ര​തി​മ നി​ർ​മി​ക്കാ​നു​ള്ള താ​ൽ​പ​ര്യം ഉ​മ്മ​ൻ ചാ​ണ്ടി​യെ അ​റി​യി​ച്ച​ത്.

അന്ന് ഉമ്മൻ ചാണ്ടി താമസിച്ചിരുന്ന ജ​ഗ​തി​യി​ലെ വീ​ട്ടി​ലെ​ത്തി അ​ദ്ദേ​ഹ​ത്തി​ന്റെ അ​ള​വു​ക​ൾ എ​ടു​ത്തു.പൂർണ്ണ ആ​രോ​ഗ്യ​വാ​നാ​യ ഉ​മ്മ​ൻ ചാ​ണ്ടി​യു​ടെ അ​ള​വു​ക​ളാ​ണ്​ സു​നി​ൽ അന്ന് എടുത്തത്.അതുകൊണ്ടാണ് ഊ​ർ​ജ​സ്വ​ല​നാ​യ ഉ​മ്മ​ൻ ചാ​ണ്ടി മു​ന്നി​ൽ വ​ന്ന്​ നി​ൽ​ക്കുന്നതു പോലെയുണ്ടെന്ന് മ​റി​യാ​മ്മ ഉ​മ്മ​ൻ പ​റ​യാൻ കാരണം.

അ​ന്ന് സു​നി​ൽ ക​ണ്ട​ല്ലൂ​ർ  നി​ർ​മി​ച്ച മോ​ഡ​ൽ ഇത്രയും നാൾ മും​ബൈ​യി​ലെ മ്യൂ​സി​യ​ത്തി​ൽ സൂ​ക്ഷി​ച്ചി​രി​ക്ക​യാ​യി​രു​ന്നു. പ്രാ​യ​വ്യ​ത്യാ​സ​മ​നു​സ​രി​ച്ച് പു​തി​യ മോ​ഡ​ലാ​ണ് തി​രു​വ​ന​ന്ത​പു​ര​ത്തെ മ്യൂ​സി​യ​ത്തി​നാ​യി നി​ർ​മി​ച്ചി​രി​ക്കു​ന്ന​ത്. ആ​റു​മാ​സം​കൊ​ണ്ടാ​ണ് പ്ര​തി​മ പൂ​ർ​ത്തി​യാ​ക്കി​യ​ത്. പ്ര​തി​മ​യെ അ​ണി​യി​ക്കാ​ൻ ഉ​മ്മ​ൻ ചാ​ണ്ടി ധ​രി​ച്ചി​രു​ന്ന മു​ണ്ടും ഷ​ർ​ട്ടും ക​ഴി​ഞ്ഞ ദി​വ​സം മ്യൂ​സി​യം അ​ധി​കൃ​ത​ർ ജ​ഗ​തി​യി​ലെ വീ​ട്ടി​ലെ​ത്തി സ്വീ​ക​രി​ച്ചിരുന്നു. ‘കു​ഞ്ഞ്’ (ഉ​മ്മ​ൻ ചാ​ണ്ടി​യു​ടെ വി​ളി​പ്പേ​ര് ) ജീ​വി​ച്ചി​രി​ക്കെ ഈ ​പ്ര​തി​മ കാ​ണാ​ൻ ക​ഴി​​ഞ്ഞി​ല്ല എ​ന്ന​താണ് മ​റി​യാ​മ്മ​യു​ടെ സ​ങ്ക​ടം.

ഒ​രു വ​ർ​ഷ​മാ​യി ഹൃ​ദ​യ​ത്തി​ൽ ജീ​വി​ക്കു​ന്ന ഉ​മ്മ​ൻ ചാ​ണ്ടി ജീ​വ​നോ​ടെ അ​രി​കി​ലെ​ത്തി​യ അ​നു​ഭ​വം. നേ​താ​ക്ക​ൾ മ​രി​ക്കു​​മ്പോ​ൾ ‘ഇ​ല്ല ഇ​ല്ല മ​രി​ക്കു​ന്നി​ല്ല, ജീ​വി​ക്കു​ന്നു ഞ​ങ്ങ​ളി​ലൂ​​ടെ’ എ​ന്നെ​ല്ലാം അ​ണി​ക​ൾ പ​റ​യാ​റു​ണ്ട്. ശ​രി​ക്കും ഞ​ങ്ങ​ൾ അ​ത്​ അ​നു​ഭ​വി​ക്കു​ക​യാ​യി​രു​ന്നു. അ​വ​ർ ക​ണ്ണീ​രോ​ടെ ഓ​ർ​മി​ച്ചു. ചാ​ണ്ടി ഉ​മ്മ​ൻ അ​ധ്യ​ക്ഷ​നാ​യ ച​ട​ങ്ങി​ൽ മ​റി​യാ​മ്മ ഉ​മ്മ​ൻ പ്ര​തി​മ അ​നാ​വ​ര​ണം ചെ​യ്‌​തു. തി​രു​വി​താം​കൂ​ർ രാ​ജ​കു​ടും​ബാം​ഗം ആ​ദി​ത്യ​വ​ർ​മ, ഭാ​ഷാ ഇ​ൻ​സ്റ്റി​റ്റ്യൂ​ട്ട് മു​ൻ ഡ​യ​റ​ക്ട​ർ എം.​ആ​ർ. ത​മ്പാ​ൻ എ​ന്നി​വ​ർ ചടങ്ങിൽ  പ​ങ്കെ​ടു​ത്തു.