കോഴിക്കോട് ബസുകൾ കൂട്ടിയിടിച്ച് അപകടം ; 20ലേറെ പേർക്ക് പരിക്ക്

കോഴിക്കോട് അത്തോളിയിൽ  സ്വകാര്യ ബസുകൾ കൂട്ടിയിടിച്ചുണ്ടായ അപകടത്തില്‍ നിരവധി പേര്‍ക്ക് പരിക്ക്. കുറ്റ്യാടി നിന്നും കോഴിക്കോട്  ഭാഗത്തേക്ക്   പോവുകയായിരുന്ന സ്വകാര്യ ബസും പേരാമ്പ്ര ഭാഗത്ത് നിന്നും കോഴിക്കോട്ടേക്ക് പോവുകയായിരുന്ന   ബസുമാണ് കൂട്ടിയിടിച്ചത്

ബസുകള്‍ നേര്‍ക്ക് നേരെ കൂട്ടിയിടിക്കുകയായിരുന്നു. അപകടത്തില്‍ 20 ലേറെ പേർക്ക് പരിക്കേറ്റു. നാല് പേർക്ക്  ഗുരുതര  പരിക്കേറ്റു . പരിക്കേറ്റവരെ ഉള്ളിയേരിയിലെ സ്വകാര്യ മെഡിക്കൽ കോളേജ് ആശുപത്രിയില്‍ പ്രവേശിപ്പിച്ചു.