/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/media_files/ghaGRjOdlmXzxtMsx3Xw.JPG)
കൊച്ചി: ബോള്‍ഗാട്ടി പാലസില്‍ അലന്‍ വാക്കറുടെ ഡി.ജെ. ഷോയ്ക്കിടെ മൊബൈല്‍ ഫോണുകള്‍ കവര്‍ന്ന സംഭവത്തില്‍ മൂന്നുപേര്‍ പിടിയില്‍. ഒരാഴ്ചയിലധികമായി കൊച്ചി സിറ്റി പോലീസ് നടത്തിയ തിരച്ചിലിനിടെ ഡല്‍ഹിയില്‍ നിന്നാണ് പ്രതികളെ പിടികൂടിയത്. ഇവര്‍ കവർന്ന 20-ലധികം ഫോണുകള്‍ പോലീസ് കണ്ടെത്തി. ഇതിന്റെ ഐ.എം.ഇ.ഐ. നമ്പര്‍ പരിശോധിച്ചു വരുകയാണ്. നഷ്ടപ്പെട്ട ഫോണുകളുടെയെല്ലാം ഐ.എം.ഇ.ഐ. നമ്പര്‍ പോലീസിന്റെ കൈവശമുണ്ട്.
36 ഫോണുകളാണ് നഷ്ടപ്പെട്ടത്. ഇതില്‍ 21 എണ്ണം ഐഫോണായിരുന്നു. അവയുടെ ലൊക്കേഷന്‍ മാത്രമാണ് പോലീസിനു ലഭിച്ചത്. ഇത് കേന്ദ്രീകരിച്ച് നടത്തിയ അന്വേഷണത്തിലാണ് സംഘം വലയിലായത്. പിടിയിലായവരെ ചോദ്യം ചെയ്തു വരുകയാണ്. സിറ്റി പോലീസിലെ രണ്ട് ടീമുകള്‍ ഡല്‍ഹിയിലുണ്ട്.
രണ്ട് സംഘങ്ങളായി തിരിഞ്ഞാണ് ഫോണ്‍ മോഷണം നടത്തിയതെന്ന് പോലീസ് കണ്ടെത്തി. ഷോയില്‍ മുന്‍നിരയിലുണ്ടായിരുന്ന 6,000 രൂപയുടെ വി.ഐ.പി. ടിക്കറ്റ് എടുത്തവരുടെ ഫോണുകളാണ് മോഷ്ടിച്ചത്.