ആലപ്പുഴയില്‍ ഹൗസ് ബോട്ടില്‍ നിന്ന് വീണ് കര്‍ണാടക സ്വദേശി മരിച്ചു

ഹൗസ് ബോട്ടില്‍ നിന്ന് വീണ് വിനോദസഞ്ചാരി മരിച്ചു.കര്‍ണാടക തുംകൂര്‍ സ്വദേശി ബാലകൃഷ്ണയാണ് മരിച്ചത്. രാത്രി 12 മണിയോടെയായിരുന്നു സംഭവം. കര്‍ണാടകയില്‍ നിന്ന് ആലപ്പുഴയിലേക്ക് എത്തിയ 40 അംഗ സംഘത്തില്‍ ഉള്ളയാളാണ് ബാലകൃഷ്ണ. ഒരു ബോട്ടില്‍ നിന്ന് മറ്റൊരു ബോട്ടിലേക്ക് കടക്കുമ്പോള്‍ കാല്‍ വഴുതി കായലില്‍ വീഴുകയായിരുന്നു. രണ്ട് ബോട്ടുകളിലായാണ് സംഘം താമസിച്ചിരുന്നത്. ഉടന്‍ തന്നെ ബോട്ടിലെ ജീവനക്കാര്‍ ബാലകൃഷ്ണനെ രക്ഷപ്പെടുത്തി ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.