എട മോനെ ഇത് പാര്‍ട്ടി വേറെയാ പോയി തരത്തിന് കളിക്ക്!

തിരുവനന്തപുരം: സിപിഎമ്മില്‍ നിന്ന് തെറ്റിപ്പിരിഞ്ഞ പി.വി.അന്‍വര്‍ എംഎല്‍എയ്ക്ക് എതിരെ ഫെയ്‌സ്ബുക്ക് പോസ്റ്റുമായി മുഖ്യമന്ത്രിയുടെ പ്രസ് സെക്രട്ടറി പി.എം.മനോജ്. 
ഇത് പാര്‍ട്ടി വേറെയാണ് തരത്തില്‍  പോയി കളിക്കുന്നതാണ് നല്ലത്, എന്നാണ് ഫെയ്‌സ്ബുക്ക് പോസ്റ്റ്.

രാഘവനെ സൂചിപ്പിച്ചാണ് അന്‍വറിന്റെ പേര് വെളിപ്പെടുത്താതെയുള്ള ഫെയ്‌സ്ബുക്ക് പോസ്റ്റ്. എന്നാല്‍  സര്‍ക്കാര്‍ ശമ്പളം പറ്റുന്ന പ്രസ് സെക്രട്ടറിയുടെ ഫെയ്‌സ്ബുക്ക് പോസ്റ്റ് നിയമവിരുദ്ധമാണെന്ന   ആരോപണവും ഉയരുന്നുണ്ട്.

ഫെയ്‌സ് ബുക്ക്  പോസ്റ്റിന്റെ  പൂർണരൂപം  ഇങ്ങനെ ;

എൺപതുകളുടെ തുടക്കത്തിൽ എന്റെ ഏറ്റവും പ്രിയപ്പെട്ട നേതാവ് എം വി ആർ ആയിരുന്നു. ബദൽ രേഖ വന്നപ്പോഴും എം വി ആറിനോട് ആരാധന തന്നെ.അന്ന് സമരത്തിൽ പങ്കെടുത്ത് അടിയും കൊണ്ട് തെറിയും കേട്ട്  കണ്ണൂർ സെൻട്രൽ ജയിലിൽ കിടക്കുമ്പോൾ അവിടെ ജലക്ഷാമം രൂക്ഷം.  എം വി ആർ  ജയിലിൽ എത്തി. ഞങ്ങളോട് വ്യക്തിപരമായ അന്വേഷണങ്ങൾ. മുറിവുകൾ തൊട്ട് നോക്കി ആശ്വാസ വാക്കുകൾ. ചികിത്സ നൽകാൻ ജയിൽ സൂപ്രണ്ടിന് കഠിന നിർദേശം. അഞ്ചരക്കണ്ടിയിൽ നിന്ന് വെള്ളം കൊണ്ടുവരാൻ ഉഗ്രശാസന.ഞങ്ങൾ ജയിലിൽ നിന്ന് ഇറങ്ങിയപ്പോൾ എം വി ആറിന്റെ പുതിയ പാർട്ടിയുടെ ഒരുക്കങ്ങൾ നടക്കുന്നു. നാടാകെ യോഗങ്ങൾ. ഓരോന്നിലും വൻ ജനാവലി. അന്ന് ചാനലുകൾ ഇല്ല. പത്രങ്ങൾ വിധിയെഴുതി. മാർക്സിസ്റ്റ് പാർട്ടി തീർന്നു.എം വി ആറിന്റെ പൊതുയോഗങ്ങൾ കാണുന്ന ആർക്കും തോന്നുമായിരുന്നു. ഇനി സി പി ഐ എം ഉണ്ടാകുമോ എന്ന്.  1987 ൽ വൻ ഭൂരിപക്ഷം നേടി എൽ ഡി എഫ് വന്നു. എം വി ആറിന് സാധിക്കാത്തത് ഈ പുതിയ കാലത്ത് സാധ്യമാകുമെന്ന് കരുതാൻ ആർക്കും സ്വപ്നാവകാശമുണ്ട്. പക്ഷേ എട മോനെ  ഇത് പാർട്ടി  വേറെ യാണ്.പോയി തരത്തിൽ കളിക്ക്!  എട മോനെ ഇത് പാര്‍ട്ടി വേറെയാ പോയി തരത്തിന് കളിക്ക്!