മഴയും മൂടൽ മഞ്ഞും; ലക്ഷദ്വീപിലേക്കുള്ള സർവീസുകൾ നിർത്തി വിമാന കമ്പനികൾ

കനത്ത മഴയെത്തുടർന്ന് ലക്ഷദ്വീപിലെ അഗത്തിയിലേക്കുള്ള വിമാന സർവീസുകൾ നിർത്തിവെച്ചു. നെടുമ്പാശേരിയിൽ നിന്നുള്ള വിമാന സർവീസുകളാണ് റദ്ദാക്കിയത്. അലൈൻസ് എയറിന്റെയും ഇൻഡിഗോയുടേയും സർവീസുകളാണ് റദ്ദാക്കിയത്. അഗത്തിയിൽ കുടുങ്ങിക്കിടക്കുന്നവരെ കൊണ്ടുവരുന്നതിനായി തയ്യാറാക്കിയ പ്രത്യേക സർവീസുകളും റദ്ദാക്കി. കനത്തമഴയും മൂടൽ മഞ്ഞും കാരണമാണ് സർവീസുകൾ താൽക്കാലികമായി നിർത്തിവെച്ചത്.

അതേസമയം കേരളത്തിൽ കനത്ത മഴ തുടരുകയാണ്. വേനൽ മഴയിൽ മധ്യകേരളത്തിലും വടക്കൻ കേരളത്തിലും കനത്തനാശനഷ്ടമുണ്ടായി. ഇന്നു ആറു ജില്ലകളിൽ ജാഗ്രത നിർദേശം പുറപ്പെടുവിച്ചിട്ടുണ്ട്.