കരിപ്പൂർ വിമാനത്താവളം വഴി സ്വർണ്ണക്കടത്ത്; യാത്രക്കാരൻ പിടിയിൽ, സ്വർണ്ണം ഒളിപ്പിച്ചത് മൂന്ന് ക്യാപ്‌സ്യൂളുകളിൽ

മലപ്പുറം: കരിപ്പൂര്‍ വിമാനത്താവളം വഴി കടത്തിയ സ്വര്‍ണം പോലീസ് പിടിച്ചെടുത്തു.  864 ഗ്രാം സ്വർണമാണ് പിടിച്ചെടുത്തത്.  പെരിന്തല്‍മണ്ണ നെമ്മിനി സ്വദേശി അബ്ദുള്‍റഹീം(38)ൻറെ പക്കൽ നിന്നാണ് സ്വര്‍ണം പിടികൂടിയത്. ഇയാളെ പോലീസ് കസ്റ്റഡിയിലെടുത്തു.

ചൊവ്വാഴ്ച രാവിലെ 6.30-ന് ഷാര്‍ജയില്‍ നിന്നും എയര്‍ഇന്ത്യ എക്‌സ്പ്രസ് വിമാനത്തിലാണ് അബ്ദുള്‍ റഹീം കരിപ്പൂരിലെത്തിയത്. വിമാനത്താവളത്തില്‍നിന്ന് പുറത്തിറങ്ങിയ ഇയാളെ പോലീസ് പിന്തുടർന്ന് കസ്റ്റഡിയിലെടുക്കുകയായിരുന്നു.

മൂന്ന് ക്യാപ്‌സ്യൂളുകളാക്കിയാണ് സ്വര്‍ണമിശ്രിതം പ്രതി ശരീരത്തിനുള്ളില്‍ ഒളിപ്പിച്ചിരുന്നത്.  ആഭ്യന്തരവിപണയില്‍ 60 ലക്ഷത്തോളം രൂപ വിലവരുന്ന സ്വർണമിശ്രിതമാണ് ഇയാൾ കടത്തിയത്.