ഈ വർഷം മുതൽ എട്ടാം ക്ലാസിൽ 'ഓൾ' പാസില്ല; ജയിക്കാൻ ‘മിനിമം' മാർക്ക് നിർബന്ധം

തിരുവനന്തപുരം:  ഈ വർഷം മുതൽ സംസ്ഥാനത്ത് എട്ടാം ക്ലാസിൽ ഓൾ പാസില്ല.ജയിക്കാൻ മിനിമം മാർക്ക് നിർബന്ധമാക്കും.അടുത്ത വർഷം മുതൽ ഒൻപതാം ക്ലാസിലും മിനിമം മാർക്ക് കൊണ്ടുവരും.ഇന്ന് നടന്ന സംസ്ഥാന മന്ത്രസഭ യോ​ഗത്തിലാണ് തീരുമാനം.എഴുത്തുപരീക്ഷയ്ക്ക് ഓരോ വിഷയത്തിനും 30 ശതമാനം മാർക്കും നിർബന്ധമാക്കാനാണ് തീരുമാനം.

നിലവിൽ നിരന്തര മൂല്യനിർണയത്തിനും വിഷയങ്ങൾക്കും കൂടി 30 ശതമാനം മാർക്ക് മതി. 2026-2027 വർഷത്തിൽ മിനിമം മാർക്ക് പത്താം ക്ലാസിലും നടപ്പിലാക്കും. വിദ്യാഭ്യാസ കോൺക്ലേവിന്റെ ശുപാർശ അം​ഗീകരിച്ചാണ് മന്ത്രിസഭ യോ​ഗത്തിലെ ഈ തീരുമാനം.

ഇക്കാരണത്താൽ തന്നെ എല്ലാവരും പാസായി പോകുകയാണ്. ഘട്ടംഘട്ടമായാകും പരിഷ്കാരം നടപ്പാക്കുക. 2026-27 അധ്യയന വർഷത്തിൽ പത്താം ക്ലാസിലും ഇത് നടപ്പാക്കും.എല്ലാവർക്കും വാരിക്കോരി മാർക്കിടുന്നുവെന്ന ആക്ഷേപം വിദ്യാഭ്യാസ വകുപ്പിൽ നിന്ന് തന്നെ ഉയർന്നത് വൻ വിമർ‍ശനങ്ങൾ‌ക്ക് വഴിവച്ചിരുന്നു. ഇതിന് പിന്നാലെയാണ് സർക്കാരിന്റെ തീരുമാനം.