യന്ത്രത്തകരാര്‍: കോഴിക്കോട്-ഷാര്‍ജ വിമാനം റദ്ദാക്കി

കരിപ്പൂര്‍ വിമാനത്താവളത്തില്‍ നിന്ന് ഷാര്‍ജയിലേക്കുള്ള എയര്‍ ഇന്ത്യ എക്‌സ്പ്രസ് വിമാനം റദ്ദാക്കി. യന്ത്രത്തകരാര്‍ കാരണമാണിത്. രാവിലെ 11:45ന് പുറപ്പെടേണ്ടിയിരുന്ന വിമാനമാണ് റദ്ദാക്കിയത്.
വിമാനത്താവളത്തിലും വിമാനത്തിനകത്തുമായി മണിക്കൂറുകളോളമാണ് ഇരിക്കേണ്ടിവന്നതെന്ന് യാത്രക്കാര്‍ പറഞ്ഞു. ഇതിന് ശേഷമാണ് വിമാനത്തില്‍ നിന്ന് ഇറങ്ങാന്‍ അധികൃതര്‍ ആവശ്യപ്പെട്ടത്. പകരം യാതൊരു സംവിധാനവും ഒരുക്കിയില്ലെന്നും യാത്രക്കാര്‍ ആരോപിച്ചു.