/kalakaumudi/media/agency_attachments/zz0aZgq8g5bK7UEc9Bb2.png)
/kalakaumudi/media/media_files/NUfC51pheQC3bW9FyQLT.jpg)
പ്രതീകാത്മക ചിത്രം
കൊല്ലം: ഇരുപത്തിനാലാമത് പാര്‍ട്ടി കോണ്‍ഗ്രസിന് മുന്നോടിയായിട്ടുള്ള സിപിഎം സംസ്ഥാന സമ്മേളനം 2025 ഫെബ്രുവരി 25 ന് ആരംഭിക്കും. 28 ന് അവസാനിക്കുന്ന സമ്മേളനത്തിന് കൊല്ലം ആയിരിക്കും വേദിയാകുക. ഇത് മൂന്നാം തവണയാണ് കൊല്ലം സമ്മേളനത്തിന് വേദിയാകുന്നത്. 1971, 1995 വര്‍ഷങ്ങളിലായിരുന്നു മുമ്പ് കൊല്ലത്ത് വച്ച് സമ്മേളനം നടന്നത്.
പാര്‍ട്ടിയുടെ വിവിധ ബ്രാഞ്ചുകളില്‍ സമ്മേളനത്തിന് തുടക്കമായി. സംസ്ഥാനത്താകെ പാര്‍ട്ടിക്ക് 38426 ബ്രാഞ്ച് കമ്മിറ്റികളും 2444 ലോക്കല്‍ കമ്മിറ്റികളും 208 ഏരിയ കമ്മിറ്റികളുമുണ്ട്. ബ്രാഞ്ച്- ലോക്കല്‍ സമ്മേളനങ്ങള്‍ ഒക്ടോബറില്‍ പൂര്‍ത്തിയാകും. നവംബറില്‍ ഏരിയ സമ്മേളനങ്ങളും ഫെബ്രുവരി ആദ്യം ജില്ലാ സമ്മേളനങ്ങളും നടക്കും. ഏപ്രില്‍ ആദ്യം തമിഴ്‌നാട്ടിലെ മധുരയിലാണ് പാര്‍ട്ടി കോണ്‍ഗ്രസ് നടക്കുക. ഡിസംബര്‍ 10, 11, 12 തീയതികളില്‍ കൊല്ലത്ത് ജില്ലാ സമ്മേളനം നടക്കും. ഡിസംബര്‍ 21, 22, 23 തീയതികളില്‍ തിരുവനന്തപുരത്തും ജില്ലാ സമ്മേളനം നടക്കും. ഫെബ്രുവരി 6 ന് ഇടുക്കി സമ്മേളനം സമാപിക്കുന്നതിലൂടെ 14 ജില്ലകളിലും സമ്മേളനം പൂര്‍ത്തിയാകും.