നാല് ട്രെയിനുകളില്‍ അധിക കോച്ച് അനുവദിച്ചു

വാരാന്ത്യ തിരക്ക് കണക്കിലെടുത്ത് മംഗലാപുരം  തിരുവനന്തപുരം റൂട്ടിലെ നാല് ട്രെയിനുകളില്‍ അധിക കോച്ച് അനുവദിച്ചു. ഓരോ ജനറല്‍ കോച്ചാണ് അധികമായി അനുവദിച്ചത്.
16605-16606 മംഗലാപുരം തിരുവനന്തപുരം ഏറനാട് എക്‌സ്പ്രസ്, 16649-16650 മംഗലാപുരം കന്യാകുമാരി പരശുറാം എക്‌സ്പ്രസ്, 16629-16630 മംഗലാപുരം തിരുവനന്തപുരം മലബാര്‍ എക്‌സ്പ്രസ്സ് ട്രെയിനുകള്‍ക്കാണ് ഓരോ ജനറല്‍ കോച്ച് അധികമായി അനുവദിച്ചത്. കൂടാതെ 12075-12076 തിരുവനന്തപുരം കോഴിക്കോട് ജനശതാബ്ദി എക്‌സ്പ്രസിലും ഒരു സെക്കന്‍ഡ് സിറ്റിംഗ് കോച്ച് അധികം അനുവദിച്ചിട്ടുണ്ട്.
പിഎസ്സി പരീക്ഷ ഉദ്യോഗാര്‍ത്ഥികള്‍ക്കും ഇതിന്റെ പ്രയോജനം ലഭിക്കും.