പരിശീലനത്തിനിടെ യുദ്ധവിമാനം തകർന്ന് വീണു; പൈലറ്റിന് ദാരുണാന്ത്യം

കുവൈത്ത് സിറ്റി: കുവൈത്തിൽ പരിശീലനത്തിനിടെ യുദ്ധ വിമാനം തകർന്ന് വീണ് പൈലറ്റ് മരിച്ചു.  കുവൈത്ത് വ്യോമസേനയുടെ  F-18 വിമാനമാണ് തകർന്നത്. ബുധനാഴ്ച ഉച്ചയ്ക്കാണ് സംഭവം ഉണ്ടായത്. രാജ്യത്തിൻറെ വടക്ക് ഭാഗത്ത് പരിശീലനത്തിലേർപ്പെട്ട വിമാനമാണ് തകർന്നതെന്ന് പ്രതിരോധ മന്ത്രാലയ വക്താവ് കേണൽ ഹമദ് അൽ സഖറിനെ ഉദ്ധരിച്ച് കുവൈത്ത് ന്യൂസ് ഏജൻസി റിപ്പോർട്ട് ചെയ്തു. അപകടത്തിൻറെ കാരണം വ്യക്തമല്ല. സംഭവത്തിൽ പ്രത്യേക അന്വേഷണം ആരംഭിച്ചതായി കുവൈത്ത് ന്യൂസ് ഏജൻസി റിപ്പോർട്ട് ചെയ്തു.