ആയത്തുള്ള ഖമനെയിയെ സുരക്ഷിത കേന്ദ്രത്തിലേക്ക് മാറ്റി

ഇറാന്‍ പരമോന്നത നേതാവ് ആയത്തുള്ള ഖമനെയിയെ സുരക്ഷിത കേന്ദ്രത്തിലേക്ക് മാറ്റി. ഇറാന്‍ ഭരണകൂടമാണ് ഖമനെയിയെ സുരക്ഷിത കേന്ദ്രത്തിലേക്ക് മാറ്റിയത്. ഹിസ്ബുല്ല തലവന്‍ ഹസന്‍ നസ്‌റല്ല കൊല്ലപ്പെട്ടതിനു പിന്നാലെയാണ് ഇറാന്റെ നടപടി.
നേരത്തെ ഇസ്രായേല്‍ സൈന്യമാണ് ഹസന്‍ നസ്‌റല്ലയെ വ്യോമാക്രമണത്തിലൂടെ വധിച്ചതായി അറിയിച്ചത്. ഇസ്രയേല്‍ ലക്ഷ്യം വച്ചിരുന്ന ഏറ്റവും പ്രധാനപ്പെട്ട ഹിസ്ബുല്ല നേതാക്കളില്‍ ഒരാളായിരുന്നു നസ്‌റല്ല. ബെയ്‌റൂട്ടിലെ ഹിസ്ബുല്ല ആസ്ഥാനത്തേക്ക് നടത്തിയ ആക്രമണത്തിലാണ് നസ്‌റല്ലയെ വധിച്ചതെന്നാണ് ഇസ്രയേല്‍ അവകാശപ്പെട്ടത്.