മകനെ ലൈംഗികമായി പീഡിപ്പിച്ച യുവാവിനെ അച്ഛന്‍ അടിച്ചുകൊന്നു

ചെന്നൈ: ഒന്‍പതുവയസ്സുകാരനെ പീഡിപ്പിച്ച ബന്ധുവായ യുവാവിനെ കൊലപ്പെടുത്തി കുട്ടിയുടെ അച്ഛൻ . മധുരയിലാണ് സംഭവം. ദീപാവലി ആഘാഷിക്കാനെത്തിയ 28-കാരനാണ് ബാലനെ ലൈംഗികമായി പീഡിപ്പിച്ചത്. ഇതുകണ്ട കുട്ടിയുടെ അച്ഛന്‍ മകനെ വീട്ടിലാക്കിയശേഷം സംസാരിക്കാന്‍ യുവാവിന്റെ അടുത്തെത്തി. തുടര്‍ന്ന്, ഇരുവരുംതമ്മില്‍ വാക്കേറ്റമുണ്ടായി. അത് കയ്യാങ്കളിയിൽ കലാശിച്ചു.

അടിയേറ്റ് യുവാവ് വീണപ്പോള്‍ കുട്ടിയുടെ അച്ഛന്‍ പോലീസ് സ്റ്റേഷനിലെത്തി വിവരം പറഞ്ഞു. പോലീസെത്തി പരിശോധിച്ചപ്പോഴാണ് മരിച്ചകാര്യമറിയുന്നത്.

ഇനിയും ഇതൊക്കെത്തന്നെ ചെയ്യുമെന്ന് യുവാവ് പറഞ്ഞപ്പോള്‍ നിയന്ത്രണംവിട്ട് അടിച്ചതാണെന്നാണ് അച്ഛന്‍ പോലീസിനോടുപറഞ്ഞത്. പ്രതിയെ കൊലക്കുറ്റം ചുമത്തി അറസ്റ്റുചെയ്തതായി കീരത്തുറൈ പോലീസ് അറിയിച്ചു. കൂലിവേലക്കാരനാണ് കൊല്ലപ്പെട്ട യുവാവ്. സൈക്കിള്‍റിക്ഷ ഓടിക്കുന്നയാളാണ് പ്രതി.