തിരുവനന്തപുരം: മൈക്രോഫിനാന്സ് സ്ഥാപനമായ മുത്തൂറ്റ് മൈക്രോഫിന് സ്റ്റേറ്റ് ബാങ്ക് ഓഫ് ഇന്ത്യയുമായി സഹകരിക്കാന് ഒരുങ്ങുന്നു. വായ്പകള് നല്കുന്നതിന് ഇരു കമ്പനികളും തമ്മില് ധാരണയായി. രാജ്യത്തെ ഗ്രാമങ്ങളിലെയും ചെറു പട്ടണങ്ങളിലെയും വനിതാ സംരംഭകര്ക്ക് സാമ്പത്തിക സേവനങ്ങള് ലഭ്യമാക്കുകയാണ് ഇതിലൂടെ ലക്ഷ്യമിടുന്നത്.
കൃഷി-അനുബന്ധ മേഖലകളിലും വരുമാനം സൃഷ്ടിക്കുന്ന മറ്റു മേഖലകളിലുമുള്ള വനിതകളുടെ ജോയിന്റ് ലയബിലിറ്റി ഗ്രൂപ്പുകള്ക്ക് (ജെ.എല്.ജി.) മുത്തൂറ്റ് മൈക്രോഫിനും എസ്.ബി.ഐ.യും തമ്മിലുള്ള ഈ ധാരണയുടെ ഭാഗമായി 10,000 രൂപ മുതല് മൂന്നുലക്ഷം രൂപ വരെ വായ്പ നല്കും.