പലിശയിൽ മാറ്റമില്ലാതെ ലഘുസമ്പാദ്യ പദ്ധതി

ന്യൂഡൽഹി: ലഘുസമ്പാദ്യ പദ്ധതികളുടെ പലിശനിരക്കിൽ മാറ്റമില്ല. ഒക്ടോബർ 1 മുതൽ ഡിസംബർ 31 വരെയാണ് പലിശനിരക്ക് മാറ്റമില്ലാതെ തുടരുക. തുടർച്ചയായി മൂന്നാം തവണയാണ് പലിശ നിരക്ക് മാറ്റമില്ലാതെ തുടരുന്നത്. സേവിങ്സ് ഡിപ്പോസിറ്റ്: 4%, ടേം ഡിപ്പോസിറ്റ് (1 വർഷം): 6.9%, ടേം ഡിപ്പോസിറ്റ് (2 വർഷം): 7%, ടേം ഡിപ്പോസിറ്റ് (3 വർഷം): 7.1%, ടേം ഡിപ്പോസിറ്റ് (5 വർഷം): 7.5%, 5 വർഷ റെക്കറിങ് ഡിപ്പോസിറ്റ്: 6.7%, പബ്ലിക് പ്രോവിഡന്റ് ഫണ്ട്: 7.1%, മുതിർന്ന പൗരന്മാർക്കുള്ള നിക്ഷേപ പദ്ധതി: 8.2%, പ്രതിമാസ വരുമാന പദ്ധതി: 7.4%, നാഷനൽ സേവിങ്സ് സർട്ടിഫിക്കറ്റ്: 7.7%, കിസാൻ വികാസ് പത്ര: 7.5% (115 മാസം), സുകന്യ സമൃദ്ധി പദ്ധതി: 8.2% എന്നിങ്ങനെയാണ് പലിശനിരക്കുകൾ.